News
News
推特 臉書  
要闻
要闻
職業司機撐佔中 怕民主路難行
作者:馬志剛、朱雋穎

這陣子,親建制勢力頻頻發功,將和平佔中扭曲成暴力行為、會癱瘓港九新界交通,小巴、的士司機也「被動員」出來反對。卻有兩位職業司機,不怕爭普選會阻塞交通,只怕香港民主路越來越難行。的士司機潘伯,年屆70也拋下軚盤,參與和平抗爭,「拉就預咗,我未驚過」;紅van司機歐陽大哥(化名),向來與政治保持距離,但見警察暴力清場,暗地義載佔中壯士,「自己做唔到,都想有人去做」。

 

 被捕的士大佬:搵少啲有乜所謂(賺少點無所謂)

 

「人生七十古來稀,都過咗70歲,仲有乜好怕?」頂更的士司機潘德斌,7.1遊行後留下陪同學生佔領遮打道,是511名被捕者之一。坐上駕駛席馳騁港九數十年,見證香港民主路越見狹隘,聲言若無真普選,佔領中環勢在必行,就算癱瘓交通,他也支持,「聖誕新年夠封路啦,搵少啲有乜所謂?」最重要是香港要有真普選,「拉就預咗,我未驚過」。


潘伯是最後一批被抬走的被捕者,「身為香港人,應該要出聲,啲後生連前途都唔顧,我仲怕乜?」他說自己原則性很強,堅持是其是、非其非,年輕時曾參加保釣運動,八九六四也捐出1,000元,「當時1,000蚊,好多錢㗎喇。好多的士佬都參加義載,做到咪做囉」。「古來稀」的潘伯走上街頭對抗極權,唯一顧慮是不能回鄉春秋二祭,「如果下次返去有麻煩,唔返囉,對個天講『老竇老母,對唔住,唔返喇』(如果下次回去有麻煩,就不回了,對天說‘爸爸媽媽,對不起,不回來了’)」。

 

 「圈幾個人出嚟邊係普選」(圈幾個人出來哪裡是普選)

 

回憶自己首次被捕,他仍說得振振有詞,「除咗揸車入『薄落』(路障),咁大個人連差人查身份證都未試過」,平日在老人中心做義工,9時吃早餐,被捕後卻一直空肚,曾兩次胃出血的他感不適,加上一直不獲准如廁,他在旅遊巴難以再忍,「我話忍唔到就失禁,差人終於肯畀我去廁所,但兩個人夾住我,又唔俾閂門」,捱過大半天獲釋,他如沒事般回家,太太以為他開夜更,至今仍未知老伴曾被捕。


年事已高熱血不減,潘伯最不滿是梁振英的強人統治手法。潘伯說,近年香港政治檢控頻繁,梁班子用人唯親,新移民不斷湧港殖民換血,「香港變得好快,香港人最唔開心就係呢幾年。嗰時窮,冇人怨,最緊要係有工開


他說低下層受壓迫多,社會上有不公平事願出聲爭取,「普選對低下層最公平,可以用選票趕佢(漠視民意者)落台」,普選一人一票不夠嗎?「共產黨圈幾個人出嚟叫你投票,呢啲邊係普選?(這哪裡是普選)」佔中爭取真普選,癱瘓交通是必然,潘伯身為職業司機,卻願身體力行參與其中,「開少幾日工有乜問題。阻住搵食?咁你咪避囉!得一條路咩?呢啲人係眼光短淺!(上少幾天班沒問題,妨礙賺錢?那你就避開吧!只有一條路嗎?這些人眼光短淺!)

 

 紅van義載壯士:佢哋係為社會

 

「你哋嘅錢唔收,香港靠你哋!」那夜8時,7.2預演佔中的被捕人士陳又德登上開往旺角的紅van,歷44小時抗爭,拖着疲憊的身軀回家,下車時,司機大佬說了這麼一句話。同行數人,位位20元的車資,也就免了。紅van義載令陳又德大受感動,記下車牌,上網撰文表揚司機:「佢冇參與公民抗命,但係佢用咗佢嘅方式去支持。」文章被瘋傳。

 

 「佢哋唔做就冇人做」(他們不做就沒有人做)

 

憑車牌到站頭找人不易,一條路線說少也有20多架紅van在跑。記者好不容易找到了那輛撐被捕者的紅van,車上司機大佬又笑說自己只是替更。幸同線行家彼此熟悉,不一會就聯絡上當事人。


「好小事啫,見啲後生仔咁辛苦,做咁多嘢都係想香港好。」紅van司機歐陽先生(化名)如是說。歐陽非本姓,司機大佬行事低調,不願上鏡,寧以化名透過電話受訪。那幾個穿黑衫年輕人,一登車就給他「非一般乘客」的感覺。在這之前,他一直透過新聞報道留意遮打道抗爭現場,看到警察暴力清場,深感不忍,「得嗰百幾人,使唔使咁呢?人哋都話明8點走,點解唔等多幾個鐘?係咪要做到咁絕呢?(就是那麼百多號人,需不需要這樣啊?人家都說明8點走,為何不等多幾個鐘?是不是一定要做得這麼絕呢?


歐陽大哥認為年輕人為香港、為自由,不惜拋頭露面,不顧「整花個底」,是偉大,「啱定唔啱我唔知,但至少佢哋有勇氣,唔係為自己,係為社會,咁我都想畀啲energy支持吓」。他自言不太認同佔中行動,但細想下又說:「自己做唔到,都想有人去做,我贊成佢哋爭取嘅嘢係應該㗎」。他說自己只是星斗市民,生活中不時都感受由強權而來的壓力,能做的卻不多,「弱者就係咁,我哋做唔到強者。佔中雖然唔啱,但佢哋唔做就冇人做,個政府就會鍾意點就點喎」。


早前,號稱「新小巴大王」的凌志強附和反佔中,發動千輛小巴貼海報表態,歐陽先生不苟同、拒配合。他認同的士小巴權益大聯盟主席黎銘洪的政治中立論,無論是全民投票,與反佔中簽名,他統統不參與。他大抵不會參加佔中,但也不反對,「真係好矛盾,影響一定有,但會唔會令我好唔開心呢?又唔會喎,又唔會嬲佢哋喎(又不會生他們的氣)。佢哋做得ok㗎(他們做得很好啊),值得支持㗎」。

—— 原载: 香港《蘋果日報》
本站刊登日期: Sunday, August 3, 2014
关键词: 佔中 普選
專題: 香港動態
大灣區絕非救命稻草
林鄭今開facebook live 泛民號召圍攻
田北辰認為港鐵營利為目標不妥 是時候討論回購
Google亞太演示日 港初創躋身十強
佔旺藐視法庭案 黃浩銘上訴被拒
港獨演講後要23條立法?林鄭:無時間表
陳浩天:美制裁港官可制衡北京
合資格港人可申領内地居住證
鄧龍威翻案曙光初現
本土登革熱大爆發
中央已經留一手?劉兆佳:可直接向特首發指令處理
過去一年4.1萬單程證人士來港
專業議政籲建制派醒覺 撐《特權法》徹查沙中線
蒙在鼓裏就沒有錯嗎?
15億被凍結 郭文貴女兒公司覆核
調查:港人理想退休金505萬 料62.4歲退休
陳國強擬戰九西 測試政治篩選底線
學者:民族主義越壓越強
陳浩天:美國應重新檢視《香港政策法》
FCC副主席:言論自由是底線
其他相关文章
勿忘愛與和平的初衷
特區整風運動蓄勢待發
特赦是帶着良好願望的幻想
彭定康說的或許都對 港人宜深思
重構中港權力關係——8.31決定兩年後的香港政治
區選「驚奇」的微言大義
香港真普選助中共提升正當性
否決政改方案的深遠意義
假如沒有雨傘和佔中
普選結果只是「參考材料」?
普選以假亂真 落區掩耳盜鈴
放棄得寸怎進尺 普選最怕「待一世」
釋法奪權擺布港是 一黨兩制傀儡登台
香港公民社會與和平抗爭
二十三條與普選死局
誰偷走了真普選?
向中國特色「普選」說不
爭普選 慎防「三羊」效應
有普選就不能有功能團體
中共封殺香港真普選自食其果