News
News
推特 臉書  
要闻
要闻
行會成員狠批政府 葉太:「與司局長同行」係笑話
作者:明報
修訂《逃犯條例》風波揭露政府施政同市民期望出現好大落差,行會成員、新民黨主席葉劉淑儀噚日喺報章撰文,批評政府傳訊問題,甚至講到明政府嘅青年政策失敗,鼓勵年輕人加入政府諮詢委員會嘅青年自薦計劃作用有限,中學生可以做一日影子官員嘅「與司局長同行」更加係一大笑話(sick joke),話當青年見到高官剪綵、同有錢名人接觸,以及聽佢哋讀沉悶嘅演辭時,如何可以同佢哋同行。

話管治機關壞咗
 
葉太喺《南華早報》嘅文章噚日刊出,即時引起唔少熱議。內文對政府管治問題評論得相當尖銳,形容今次處理修例失當,顯示政府嘅管治機關失效(all but broken),呢件事並非普選可以解決。

佢提到政府喺6月中暫緩修例後,特首林鄭月娥曾兩度道歉,但除咗譴責7月1日晚暴力之外,極少公開現身,其間公眾知嘅係林太分別同4個警察協會,同埋香港友好協進會代表會面,葉太批評咁樣只會加深公眾印象,會認為林太只在意同支持者溝通。

「政府發言人」係最大笑話
 
葉太更形容政府常以「政府發言人」名義出新聞稿,但事實上根本冇呢個人,可謂最大笑話(greatest joke)。

無汲取23條慘敗教訓 無高官回應國際傳媒批評
 
葉太質疑,自從16年前政府就23條立法慘敗後,政府係咪無從中汲取任何教訓,又話高官無回應國際傳媒對修例嘅批評,呢個空白位只能由行會成員、立法會議員填補,質疑點樣嘅政府先會喺修例引起重大國際關注下,仍然拒絕與外媒溝通。
—— 原载: 香港《明報》
本站刊登日期: Sunday, July 7, 2019
关键词: 行會 葉太 笑話
專題: 香港動態
新城市廣場警民混戰 拘37人
超市買物資遞「前線」 示威者組800米人鏈
記協設保護記者基金 眾籌百萬一日達標
新聞界靜默遊行 要求警方正視警員使用武力阻止傳媒工作
馮驊:簽確認書純屬自願
港人反逃犯条例修订抗争遍地开花,进入长期僵持状态
回應沒計劃戒嚴 保安局:現行機制處理集會
民陣盼7.21集會改遊行 警倡改期8月
香港民研:44%人撐台獨 首看齊反對
建制周六護港集會 李梓敬料對家挑釁
播示威影片惹不滿 元朗公園市民爆衝突
全年銷售額或現雙位數跌幅 20年來首次
建制明集會 籲參加者勿起衝突
涂謹申促特首令警方「只驅散不圍捕」
民陣周日遊行 警:堵路即趕
佔立會10多人獲台灣團體安置
3區區會否決修例相關動議
無懼示威活動 日零售商紛攻港
香港“银发族”静默游行九千人声援年轻人守卫香港
香港面臨空前危險
其他相关文章