戴耀廷腰骨移位問題日趨嚴重 – 纵览中国-China In Perspective

「佔中三子」之一戴耀廷的腰骨一直都有問題，早前甚至不能參加「民主登高」，要自行搭車上山頂，然後再用拐杖撐住，先至勉強可以出席到集會，為大家送上「尊嚴」（一樽鹽）。據悉，當晚他的腰骨已經痛到行唔到，結果肥佬黎就搵咗個高人幫佢睇吓。 唔睇猶自可，一睇弊傢伙！（不看則已，一看大事！）原來戴耀廷條腰骨嚴重移位，好彩個高人識得古法推拿，三扒兩撥就幫佢移番正，但係就千叮萬囑佢唔好再咁操勞，戴耀廷聽到，只好苦笑。須知道，「雨傘運動」熱火朝天，戴耀廷雖然俾啲學生話佢慢幾拍（被學生說他慢幾拍），但係即使千夫所指，佢都堅持同學生一齊留守。所以，佢其實唔單止含住泡眼淚接受批評，仲咬實個牙關忍住腰痛。 結果，佢條腰骨又再移位，但係就點都要同學聯、學民、泛民立法會議員開埋個聯合記招之後，先至去再搵高人。 高人發現，戴耀廷的腰骨移位問題日趨嚴重，但又知勸佢唔到，於是就覺得，爭取民主之路，其艱辛程度，往往不足為外人道。 總之，無論有市民幾嬲班佔領者都好，希望你哋明白，戴耀廷、黃之鋒、周永康、岑敖暉，以至一班泛民有心人，佢哋搞佔中運動絕對唔係講玩，更加唔係打牙骹打麻雀打邊爐嘆世界亂咁嗌阻生晒。一場運動，泥沙俱下，總有偏差，但他們的誠意，他們的付出，甚至是他們的犧牲，是絕對值得尊重的。