戴耀廷：佔中超額完成 – 纵览中国-China In Perspective

由2013年開始醞釀的佔中意念，揭開兩代對爭取民主的迥異做法。79天的雨傘運動，包圍政府總部的升級行動終令兩代撕裂。回望整場抗爭，佔中發起人陳健民不諱言，在11月底討論行動升級的會議上，三子感到激氣兼有情緒：「我哋嗰時望都唔想望學生，眼神都唔想接觸！」但他也承認，若非年輕人去闖，不會闖出雨傘廣場，「原本嘅佔領中環對於中央嚟講，係不痛不癢」。　 <div> </div>經過近兩年「栽種」，佔領運動終開花，遍地黃傘。佔中發起人戴耀廷如此總結：「一個意念可以好危險，也可以很有力量、爆炸力，一傳出去，意念就會有佢自己嘅生命力。」<h2>與學生關係跌至冰點</h2>戴認為由8.31落閘開始，佔中已變成覺醒運動，經過79日超額完成：「我哋希望透過被拉嘅過程引來國際關注，等大家覺醒，第一日已經知道achieve（達到），佢一出催淚彈已知道。」運動初期，三子雙學看似合拍，但最終分道揚鑣。學聯秘書長周永康早前透露學聯最終決定在11月底包圍政總的升級行動目的，惹起爭議。戴透露他所知版本：「學生擔心緊有一班人準備升級，呢班人一升級就冇譜，咁不如由佢哋（學生）升級，劃一個和平非暴力嘅框框。 但三子一直反對升級，陳健民指出，開會時，彼此關係跌至冰點：「我哋認為，如果冇充份準備，學生可能會製造悲劇，我哋三子係絕不能接受，嗰一刻我哋望都唔想望學生，眼神都唔想接觸，就完咗個會。」 最終升級行動失敗，雙學鞠躬道歉。陳強調，不應因此否定學生：「世代差別係會存在，好正常，坦白講，如果唔係年輕人去闖，都出唔到個雨傘廣場，原本嘅佔領中環對於中央嚟講，係不痛不癢……雨傘廣場比我們原先設計佔中更有影響力。」<h2>如父母與子女的溝通</h2>陳健民透露，三子是在學聯與政府對話後，漸失掉話語權，三子與學生的關係亦漸疏離，陳形容情況就如父母與子女的溝通：「仔女開始大，開始唔聽你講，父母就開始在雪櫃面寫幾句留言，我就用WhatsApp去做呢個雪櫃，佢哋（學聯）有時會答你，有時唔會，連望都唔望。」 展望明年局勢，陳分析，雖然梁振英至今穩如泰山，但梁為中央添煩添亂，能否連任也成問題。陳指若內地發生大型騷亂，地方領導人無論鎮壓與否也會「冇運行」：「因為反映你搞唔掂，喺中國，地方上要換第一把手，係好閒嘅事。」陳認為，待習近平鞏固其權力後，帶領中國走一條甚麼路線才是關鍵。不過，他預計，未來數年香港難以落實任何改革，衝突只會無日無之，不排除有暴動。戴耀廷則預料，日後不會再有如此大規模的佔領行動，「今次睇到佔領係唔符合經濟效益，即使再佔領都唔會係長期佔領」。他無意再站在運動前線，也無意參選；只想「做番意念嘅傳遞者」。