<p style="margin: 0pt;"><span style="font-family: Arial; letter-spacing: 0pt; font-size: 12pt;">羊年將至，大家都想有快樂新年，城市大學人文社會科學院搞咗個「開心指數」調查，發現以10分為滿分計，香港人嘅開心指數為6.98分，相比10年前同類調查嘅7.32分，港人似乎愈來愈唔開心。唔止係咁，城大比較咗香港、日本大阪及新加坡嘅受訪者，港人喺三地中嘅快樂程度最低。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-weight: bold; font-size: 12pt;">港快樂程度遜星日</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">城大喺三地分別訪問逾1100人，問佢哋各方面生活質素嘅滿意度。香港所得分數均低於新加坡及大阪，只有經濟方面嘅滿意度處於中游。負責調查嘅人文社會科學院副院長黃成榮話，新加坡注重都市綠化，喺房屋方面，絕大多數人住喺設施良好嘅「組屋」，當地經濟好，政局又穩定。佢話香港市民近月對普選同政改議論不休，社會分化趨明顯，對執政者嘅反對聲音亦愈來愈大，而市民唔滿意住屋問題（只有4.22分），唔少人成為「樓奴」，自然感到不滿啦。</span></p><p><span style="font-family: Arial; letter-spacing: 0pt; font-size: 12pt;">調查亦發現，三地女性嘅開心指數均高過男性，可能與男性要表現得硬朗、經常壓抑情緒，而女性較容易宣泄情感有關。此外，後生仔及長者較成年人開心，相信係因為成年人要承受經濟、家庭等生活壓力。</span></p>