<p style="margin: 0pt;"><span style="font-family: Arial; letter-spacing: 0pt; font-size: 12pt;">年宵市場今晚最後出擊，民主黨受特首梁振英（CY）次女梁齊昕金句「I\’m Just齊昕」啟發、創作嘅一系列「I\’m Just毛巾」印咗三至四千條，受惠於最近齊昕曝光頻頻，噚日已經賣咗一大半，但由於民主黨設計嘅CY頭像廁紙畀內地扣查，蝕咗本金，佢哋都唔敢放軟手腳，黨員柴文瀚話年宵呢場仗要當半輸咁打，希望可以說服支持者出手重啲，力爭年三十晚清貨。</span></p><p style="margin: 0pt;"> </p><div><img src="/EditBackyard/EditorData/Photo/1424195035726_E9364710FD5A2BB3F5D9DEA191ED1079.jpg" width="250" height="332" alt="" /> </div><p style="margin: 0pt;"><span style="font-family: Arial; letter-spacing: 0pt; font-style: italic; font-size: 12pt;">民主黨柴文瀚噚日去年宵攤檔，幫手宣傳該黨受梁齊昕金句「I\’m Just齊昕」啟發而創作嘅「I\’m Just毛巾」。佢話暫時「龍蝦」款比較好賣，有買就趁手。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">反觀建制派就無咁緊張，民建聯賣「沙金羊」擺設，年宵檔現貨只有100個，到前日只係賣咗30幾個，民記仲入咗啲暖手包，因為天氣暖賣唔出。至於葉劉淑儀嘅新民黨，就日日下午兩點先開檔，唔通真係唔憂米</span><span style="font-family: 宋体; letter-spacing: 0pt; font-size: 12pt;">(難道真是不愁收入)</span><span style="font-family: Arial; letter-spacing: 0pt; font-size: 12pt;">？</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">社民連方面，「雨傘運動」主題產品反應唔錯，當中有部分彩色圖案嘅T恤已經賣斷貨。最好笑係漫畫家尊子幫社記畫咗啲揮春，但唔知係咪印得太靚，啲人以為要畀錢，成日都要義工大大聲嗌，先有人嚟攞。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">至於泛民年宵龍頭支聯會，副主席蔡耀昌話暫時總收入差過去年少少，只有17萬幾元，賣產品反應較差，反而捐款就多咗。今晚尊子、馬龍會再落場幫市民畫肖像，希望谷谷人氣。</span></p>