傳京億元買票　梁耀忠：要錢做乜 – 纵览中国-China In Perspective

中央與特區政府的政改「撬票」對象中，曾於2005年盛傳會支持政改的街工立法會議員梁耀忠，事隔10年再度榜上有名。梁耀忠受訪時稱，難以理解當年為何被誤解，強調從其言行，外界今次亦無理由懷疑他會轉軚；對於中央盛傳以一億元銀彈攻勢誘使泛民袋住先，梁稱不為所動，反問：「要（咁多）錢嚟做乜呢？」（要這麼多錢幹嘛？）<h2>指梁非必定連任</h2>2005年，時任特首曾蔭權為爭取泛民議員支持通過政改方案，曾在表決方案前一晚在禮賓府密會6名泛民議員，盛傳梁耀忠是其中一人。 談及當年往事，梁耀忠直指「唔明點解」當時會被視為轉軚議員：「因為我喺言論、行為上，搵唔到一個迹象我係會轉軚，我唔明點解啲人會散播出嚟。」2010年政改一役，梁耀忠投下反對票，他強調：「今次係冇理由標誌（籤）我係會轉軚，（因為）街工早前開咗記者會，話我哋嘅投票係會跟隨泛民大多數，綑綁埋一齊。」 早前有傳中央為「撬票」，不惜威迫利誘，甚至願以一億元換一票，梁耀忠強調不為所動：「唔係話自己清高，多啲錢又點啫？我哋追求已經唔係物質，而係理想同原則，尋求唔係個人生活改善，而係整個社會改善。我參與社會運動逾40年，錢對我現在有咩特別作為？我人生仲有幾長走呢？要（咁多）錢嚟做乜呢？」 他強調民意至今對是否「袋住先」五五波，而其投票意向「原則比民意更重要」，指《基本法》規定中央在政改第二部曲，只能就政改批示是否修改，但中央最終竟加插大量內容，以8.31框架落閘封殺真普選。既然中央違反《基本法》，他也拒支持「蠶食一國兩制、港人治港、高度自治」的政改方案。 梁耀忠指政改即使原地踏步，亦毋須過於擔心中央會讓梁振英連任，他相信中央也希望由民望較高的人出任特首，加上梁的個人誠信、管治施政出現問題，料會令中央三思。