田北俊斥梁振英連任累死香港撐曾俊華做特首

向來被認為與特首梁振英不咬弦的自由黨榮譽主席田北俊接受《信報》專訪時，直指梁振英強硬管治，政府「同泛民開晒片」，認為梁振英管治令社會怨氣大增，終致旺角爆發騷動，直言「全部梁振英一個搞出嚟」。田北俊說，在政改未能通過之下，難言中央會否讓梁振英連任，延續其強硬路線，但若梁振英連任，自會加劇強硬，亦可預示更多參與雨傘運動的新一代將進入議會，估計總計梁10年任期會不足一半時間做實事，到時可能西九、大嶼山、啟德、高鐵等發展都停滯不前，「香港真係被佢累死」，希望中央要明白，梁振英作風正拖抵市民對中央的評價，「（中央）畀梁振英累死」。他又力撐財政司司長曾俊華出任特首，批評梁振英未能團結香港，更惶論做到港人與中央的橋樑，而曾俊華熟悉政府政策，與傳媒關係友好，有能力出任特首，若由他出任特首，港人認為「好似會企喺香港人嗰邊」，會較為放心，而政務司司長林鄭月娥亦非常有能力，但近來似乎意興闌珊。對於另外熱傳「跑馬仔」候選人前財政司司長梁錦松及新民黨主席葉劉淑儀，田北俊認為梁當官經驗不足，葉劉則未必能組班。<h1>CY同泛民開晒片 唔係夠票就可以當個社會死</h1>特首梁振英曾指泛民拉布令創科局拖延3年，但到最後都要通過，故拉布是於事無補。自由黨榮譽主席田北俊接受《信報》專訪時，批評梁振英「同泛民開晒片」，「唔係夠票，有建制同保皇黨，就可以當個社會死」，又舉例如美國總統奧巴馬也要跟共和黨溝通形容說法「得啖笑」，「如果夥計咁同我講嘢，我炒咗佢好耐」。他指梁為了「開片」，方案就不作修訂、退讓，令工作效率非常低。他認為政府最大問題是梁振英性格，「老細同人開片、得罪晒啲人，搞到局長要死頂死氹，普通人唔劈炮？」又揶揄商經局局長蘇錦樑為了救火，「日日幫我哋數人數、請我哋食蛋撻」，變相做助理，根本無暇為香港作前瞻。他又以版權條例為另一例子，「你估建制心中好撐梁振英？如果係，35個坐喺度都無布好拉啦！」他認為有些政策是可以作少少讓步，如採納公平使用的修訂，若硬闖通過，只會令網民怨氣更多，「會否變旺角騷亂我就唔知，但網民慫恿啲友去旺角騷亂，就絕對有能力。」