<p style="margin: 0pt; padding: 0pt; background: #ffffff;"><span style="font-family: Arial; letter-spacing: 0pt; font-size: 12pt;">一直盛傳想問鼎特首寶座的新民黨主席葉劉淑儀今日被問到曾俊華是否已熱身選特首，葉劉指有些人可能這樣想，「但選特首唔係只為賣口乖，講啲香港人啱聽嘅說話係未足夠，你（曾俊華）既然咁關心香港青年人，咁應該反省下你做咗8、9年財政司，大學生出來嘅starting pay有冇增長到？我哋平均個人同家庭收入，由97年到而家係冇乜增加，係香港其中一個鬱悶。向上流動空間係好少，呢啲問題唔係只係賣口乖。」</span></p><p><span style="font-family: Arial; letter-spacing: 0pt; font-size: 12pt;">記者追問會否支持曾俊華做特首或者把她嚇退，葉劉說，「我哋今日唔好討論呢個問題，我哋講預算案，唔好太多節外生枝嘅猜測。」</span></p><p><span style="font-family: Arial; letter-spacing: 0pt; font-size: 12pt;">田北辰接著指曾俊華在預算案最後提到，去年以facebook與年輕人多交流，葉劉聞言後，似乎有點不滿，即時稱：「我個facebook都開咗7、8年，我個facebook page有成6萬幾個followers，係咪？我下個月帶150個大學生去泉州，係咪？我諗（開facebook ）唔代表乜嘢，每一位從政者都應該關心年青人。」</span></p><p><span style="font-family: Arial; letter-spacing: 0pt; font-size: 12pt;">葉劉批評曾俊華做了這麼多年財政司，但卻擁有相當差的宏觀經濟視野，又指他仍照舊將盈餘「派一些，儲一些」，但大讚他為香港人儲了很多錢，面對全球經濟不景，又指中產雖然喜歡派糖，但也希望政府做好教育。</span></p><p><span style="font-family: Arial; letter-spacing: 0pt; font-size: 12pt;">她認為，難以將今次預算案與施政報告比較，兩者性質不同，但在公關上，曾俊華的確取了分，但是卻沒有為社會兩極化和修複社會傷口提出解決方法，對此失望。</span></p>