<p style="margin: 0pt;"><span style="font-family: Arial; letter-spacing: 0pt; font-size: 12pt;">民主黨</span><span style="font-family: Arial; letter-spacing: 0pt; font-size: 12pt;">昨</span><span style="font-family: Arial; letter-spacing: 0pt; font-size: 12pt;">晚舉行21周年黨慶，筵開36席，政商界都有唔少人到賀。民主黨主席劉慧卿、何俊仁同單仲偕3名資深立法會議員都一早表明會於今年嘅立法會選舉交棒，唔再尋求連任。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">佢哋3人噚晚喺一班「乳鴿」同嘉賓見證下「金盆洗手」，象徵會畀機會一班「乳鴿」。民主黨今年嘅籌款目標係800萬，噚晚初步籌款有760萬元，比去年勁升一倍。負責籌款嘅李華明相信稍後仲會有善長捐錢，希望最終都可以同黨主席有交代。</span></p><p style="margin: 0pt;"> </p><div><img src="/EditBackyard/EditorData/Photo/ff7b4c60b4d2e637a0a6b950e253a19d.jpg" width="400" height="243" alt="" /> </div><p style="margin: 0pt;"><span style="font-family: Arial; letter-spacing: 0pt; font-style: italic; font-size: 12pt;">身負重任、代表政府出席民主黨黨慶嘅政制及內地事務局長譚志源（左二）一到場，就同民主黨主席劉慧卿（左一）、民主黨楊森（中）、行會成員羅范椒芬（右二），以及民主黨張文光（右一）玩自拍，似乎大家都好enjoy。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">噚晚黨慶除咗有政制及內地事務局長譚志源出席酒會，各黨派都有派員出席﹕自由黨榮譽主席田北俊、公民黨黨魁梁家傑、工黨副主席李卓人，連舊黨友、新思維主席狄志遠都有到場，新思維仲有買枱支持</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-weight: bold; font-size: 12pt;">田少：代「超然人士」點唱《沉默是金》</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">宴會高潮可以話係卿姐唱歌，除咗記者有夾錢點唱，仲有田少科水支持，卿姐就同一眾女將合唱《上海灘》；田少都忍唔住上台同卿姐、胡志偉及黃碧雲等合唱，田少話要代「香港地位超然人士」向民主黨點唱《沉默是金》。朱牧又同志偉、碧雲合唱近日大熱歌曲《憑著愛》。</span></p><p><span style="font-family: Arial; letter-spacing: 0pt; font-size: 12pt;">一向同卿姐老友嘅港鐵主席馬時亨今次唔見人，但都捐10萬畀乳鴿，要佢哋唱首歌畀卿姐，另捐10萬投得兩支酒。</span></p>