<p style="margin: 0pt; padding: 0pt; background: #ffffff;"><span style="font-family: Arial; letter-spacing: 0pt; font-size: 12pt;">民主思路召集人湯家驊今日公佈六人青年團隊，希望招募更多年輕人一齊議政，集思廣益後透過智庫分析、再向政府提交建議。佢哋至今原來已經同食物及衛生局長高永文、運輸及房屋局長張炳良、環境局副局長陸恭蕙見面。至於民主思路會唔會派員參與今年9月嘅立法會換屆選舉？湯狀話走進議會係目標之一，但非唯一目標，認為宜家講9月係咪派員出戰言之尚早，並話即使今年唔參選，亦可留待2020年。</span></p><div> </div><div><img src="/EditBackyard/EditorData/Photo/1457516980_1ce5.jpg" width="400" height="225" alt="" /> </div><p style="margin: 0pt; padding: 0pt; background: #ffffff;"><span style="font-family: Arial; letter-spacing: 0pt; font-style: italic; font-size: 12pt;">湯家驊團隊</span></p><p><span style="font-family: Arial; letter-spacing: 0pt; font-size: 12pt;">湯狀嘅「六大門徒」均係高學歷年輕人，好多人都擁有碩士學歷，較為人熟悉嘅係青年論政組織三十會理事劉培榮。其餘五位包括凝聚香港體育基金創辦人黃梓謙、民主思路總幹事袁彌昌、民主思路高級研究員忻浚賢、前港大學生會會長麥嘉晉、法巴亞太區總部精益管理部項目顧問經理馮潔鳴。</span></p><p><span style="font-family: Arial; letter-spacing: 0pt; font-size: 12pt;">八方奇怪，不時參加民主思路活動嘅大律師林作，冇現身嘅？原來林作只係民主思路嘅同行者，仲未係成員嚟㗎。</span></p><p><span style="font-family: Arial; letter-spacing: 0pt; font-size: 12pt;">對於啱啱過咗嘅新東立會補選，走中間路線嘅候選人潰敗，湯狀話呢次補選嘅議題相當狹窄，認為選民係想多啲選擇：「我都唔覺今次補選係會決定9月嘅選舉會係點樣，我覺得每一個香港人希望9月更加廣闊嘅選擇，我認為香港人喺政治上可以多啲選擇，我哋係想比多啲選擇比香港人。」</span></p><p><span style="font-family: Arial; letter-spacing: 0pt; font-size: 12pt;">問及侯志強即將成立「新進步聯盟黨」，劍指立法會選舉，湯狀反問：「新進步聯盟(黨)係乜嘢嚟？」至於侯志強打算連取兩席，湯狀笑指：「從政嘅人有志氣係好事」，佢仲話自己不太了解新思維主張嘅第三條路。</span></p>