<p style="margin: 0pt;"><span style="font-family: Arial; letter-spacing: 0pt; font-size: 12pt;">公民黨10周年特刊《十年前後》，裏面有黨主席余若薇同立法會主席曾鈺成嘅對談內容。特首梁振英（CY）曾講過「vote them out」，曾主席好大膽咁話：「北京和建制派覺得要打擊反對派，vote them out，一定行不通，一定行不通，這是錯誤的判斷。」不過，曾主席話，民主派覺得要中國有民主，香港先有民主；或共產黨倒台，香港先有民主，咁都係唔相信一國兩制。所以要做到一國兩制，雙方都要釋出善意。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-weight: bold; font-size: 12pt;">田少：泛民商界合作難實行</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">曾主席講笑話唔想講太多幫泛民拉票，但就老實話，「在社會和議會中維持反對力量，對一國兩制來說是必要的」。佢亦為建制派講好話，話建制派雖然政治立場鮮明，但唔等於會覺得李波事件無損一國兩制。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">公民黨早排亦刊登咗黨魁梁家傑同自由黨榮譽主席田北俊嘅對談，雙方都話可以諗吓由泛民200個選委同商界400個選委合作，阻止CY連任。不過，Emily噚日追問田少，佢話要實現呢個想法有阻力，唔通田少想縮沙？田少話，商界選票受中聯辦影響，好難實行到呢個諗法！</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-weight: bold; font-size: 12pt;">陳家洛：田少諗法係「FF」</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">公民黨陳家洛就話，相信呢個諗法唔係實際計劃，只係兩個大佬對談時「FF（幻想）」啫。建制派班長、民建聯葉國謙當然吹淡風，個人認為公民黨同有影響嘅商界力量嘅聯繫唔大，相信大商會未必會睬公民黨。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">民主黨涂謹申就話好難評論呢個諗法嘅可行性，但認為大家嘅共識都係想CY落台，仲話任何人做特首都會好過CY喎。</span></p>