卿姐直言：民主黨沒人才選特首 – 纵览中国-China In Perspective

明年特首選舉，坊間已關注誰能入閘「跑馬仔」，亦關注泛民會否第三度派人參選。民主黨主席劉慧卿接受《都市日報》專訪時直言，「好唔贊成再參加假嘢」；被問到若明年選舉是「真普選」，民主黨有否人才披甲上陣，卿姐說：「沒有⋯⋯我覺得黨內無人啱」，因沒法結合一個高質素及民望的團隊。另對於民望甚高的財爺曾俊華，卿姐批評他「孤寒」，也無法適合出任特首。 泛民應拒「假嘢」 本港最大政黨民建聯、主席李慧琼早前接受《都市日報》專訪，首次披露該黨有人具能力參選特首，但沒披露人名。同為「女當家」的民主黨卿姐(劉慧卿)接受本報專訪時認為，特首理想人選應具行政經驗，「最緊要有辦法吸引好能幹、有公信力嘅人才加入政府，你參選嗰陣就有一個團隊，市民先有信心。」 民主黨有否這類人才？卿姐直言「沒有」，「我相信我自己都好，民主黨都好，依家冇能力去吸引一個好高質素、民望好高的團隊。但我又睇唔到香港有邊個政治人，或政治組織有能力。」 特首人選應具行政經驗 坊間盛傳財政司司長曾俊華、前財政司司長梁錦松、行會成員兼新民黨主席葉劉淑儀、金管局總裁陳德霖等，或是明年特首「跑馬仔」人選；卿姐認為，最重要是有真普選，「有普選，邊個出嚟唔係問題，最緊要有競爭。」但她承認，「好唔喜歡CY(梁振英)」，亦點名指曾俊華「孤寒」，「有啲在職貧窮根本係政府創造」。 卿姐又質疑，財爺偏幫商界而輕視基層，「有次曾俊華無端端走出嚟嘈，『你知唔知依家有啲食肆好唔得掂，有啲人(老闆)要搵萬幾蚊去洗碗喎』，我就即刻寫咗封信鬧佢，喺一個資本主義自由社會，收幾多錢去洗碗，有人肯畀就得㗎嘛！點解要喺度嘈？無人洗，咪老闆洗囉！」 籲抗「小圈子」同路人杯葛 2012年特首選舉時，除梁振英及唐英年兩位北京默許的候選人外，民主黨何俊仁亦落場參加這場「小圈子」選舉；但何僅得76票慘敗，更較所需提名的150票少。卿姐憶述說，當時亦不支持黨內派員參加「小圈子選舉」，「但我係少數(反對參選)，所以惟有少數服從多數！」<div> </div>明年特首選舉，民主黨會否再參與，卿姐直言「好唔贊成再參加假嘢」，但黨內未有聚焦討論；又認為抗拒「小圈子」的同路人亦應杯葛，避免造成「有競爭」的假象，「我幾年前去過孟加拉做選舉監察，第一件事係問有冇人杯葛，如果反對派杯葛，都唔使睇票箱啦！所以杯葛係好有標誌性，但呢幾屆我哋都冇杯葛。」 爭取普選的道路，卿姐堅持要以「和理非」結合民眾，「用暴力唔會達到結果，只會死傷好多人；唔係話用暴力贏唔到中共同解放軍，而係贏唔到港人嘅心。」又認為要爭取商界及專業人士共同到北京爭取普選，成效才會較高。 《學苑》提出港人應以2047年考慮二次前途問題，不支持「港獨」的卿姐說可以傾，「最好拎嚟做選舉議題，因為如果個個都投票畀你咪發達囉！」但港人最「黃金機會」討論自決，是84年中英兩國就香港前途談判期間，「嗰時港人雖然驚共產黨，但又承認係中國人、承認香港係中國地方，所以選擇走(移民)而唔係搞獨立或自決。」 是否自決的「黃金機會」已過？卿姐卻沒將說話定死，「有一句說話『英雄造時勢』，你有本事咪去做！但亦要有廣大市民支持，我仲未睇到呢點。」