雙非家長後悔來港生仔 – 纵览中国-China In Perspective

「去香港生孩子，說實話我現在很後悔」，內地《南方都市報》噚日就用呢個做標題，刊出以「雙非」兒童及家長為題嘅專題報道。報道講到，深圳人曾娜（化名）喺香港生下嘅囡囡就快到上小學嘅年齡，當下面臨嘅尷尬係﹕囡囡跨境嚟香港讀書，但細路仔從六七歲起就得每日用5小時喺交通上；唔跨境返學，佢哋無內地戶籍，又負擔唔起內地私立學校學費，所以現在很發愁。 為返學交通來回日花5小時 呢篇報道話，有唔少雙非家長都面對子女跨區來港返學嘅問題，其中住喺深圳布吉嘅劉女士，囡囡雖然喺香港讀幼稚園下午班，但話自己每日9點就要開始準備，10點從住所出發，換乘兩次地鐵耗時1.5個小時到達福田口岸，再花半小時等跨境保母車，過關，再坐車半小時到達元朗幼兒園，而全日來回要5個小時。劉女士又話，由於要接送女兒，所以被迫辭去工作。<div> </div>報道話，今年喺深圳市兩會上，有市政協委員提出將港澳籍學童納入公辦學校教育議案，而市教育局相關負責人已經就提案建議予以回覆，話目前市教育局正在就雙非兒童入學問題做相關研究討論。