六四紀念館4.15重開 – 纵览中国-China In Perspective

位於尖沙嘴一商廈的六四紀念館遭大廈法團滋擾並以法律問題挑戰被迫遷館。創館館長林漢堅批評是政治打壓，但樂觀認為，今次未必是壞事，建議支聯會趁機尋找更大地方，甚至可以將紀念館變成不局限於六四事件，擴大展覽規定，包括雨傘運動在內、以學運為主題的紀念館，以免只觸及六四予人「離地」感覺。　本身為藝術館策展人的林漢堅，2013年底獲支聯會委託，負責籌辦六四紀念館。他接受《蘋果》訪問時坦言，以商廈作為紀念館不太理想，「唔係唔得，而係牽涉到好多問題」，例如參觀人士出入、對紀念館的認受性等，加上實際的環境因素造成限制，「無論樓底嘅高度、建築面積，可以持續發展嘅方面去諗，都係（設於）工廠大廈比較適合」。面對各種局限，林漢堅回想，當時與建築師決定以「迷宮」作為紀念館的主題，他解釋，這設計可令原先僅600呎的實用面積「誇大成6倍」，容納更多展品和人流，兼配合當前的中國情況：「當下中國政治環境都有種混亂、迷思，好似迷宮咁樣，需要學生（參觀者）自己尋找、出返嚟搵個出路，尋找光明，最後先至可以出到個迷宮」。眼見當時的心血，因支聯會無奈要另覓新館址而被推倒，林漢堅固然認為法團是政治打壓紀念館，但他未有流露出可惜，反而覺得正好讓支聯會重新思考紀念館的定位。他認為六四紀念館與一般的博物館不同，「佢（紀念館）係有一個未完成嘅歷史任務，同埋個歷史事件仲係發展緊」，但其實他心目中的博物館，應與政治分開，保持一定距離，「太過政治化嘅博物館，會唔會影響老師唔敢帶啲學生去參觀呢？老師帶學生嚟係一個客觀、學術嘅態度去了解民運，就唔係帶啲學生嚟俾你洗腦」，「國教事件都反映到香港學生好醒目，唔會俾你洗腦」。他提議支聯會考慮日後以學運作為紀念館的主題，事件不單止六四，遠至辛亥革命、五四運動，近至前年的雨傘運動都可包括在內。他覺得，紀念館內容只集中六四事件有點「離地」，「香港嘅雨傘運動，你話失敗又好、點樣都好，都解決唔到香港嘅政治問題，叫啲學生或者市民去諗中國25年前發生嘅嘢，更加離地」。場地方面，他指紀念館既然並非全天候開放，倒不如租用工廈單位，讓支聯會「唔使孭住個硬件」，最少面積約需3,000呎、樓底高至少12呎，火炭、大圍、柴灣等都是合適的地區。他亦考慮過，若有此條件的地方作紀念館，可用一幅大紅牆將展館一分為二，提供足夠空間讓參觀者拍照及辦討論會等活動。