<p style="margin: 0pt;"><span style="font-family: Arial; letter-spacing: 0pt; font-size: 12pt;">立法會主席曾鈺成曾經諗過選特首，但現時話自己年紀太大，已無意參選。曾主席考慮嘅因素除咗年紀，原來仲有其他，佢接受馬會刊物《駿步人生》訪問就話，「我本身唔係一個謙虛的人，真的不大適合做特首，寧願做自己勝任的工作好過」。咁究竟邊啲謙虛嘅人適合呢，佢唔肯講，只開出特首須符合三大條件，包括中央信任、香港人支持，以及有政績顯示「做得掂」。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">曾主席話，計劃退任議員後搞倡議型智庫，培訓政治人才，仲話研究團隊已有近10個人，會重點研究如何改善特區管治，解決一國兩制內裏嘅矛盾。</span></p><p style="margin: 0pt;"> </p><p style="margin: 0pt;"><strong><span style="font-family: Arial; letter-spacing: 0pt; font-weight: bold; font-size: 12pt;">年輕時想做科學家 遺憾無接觸藝術</span></strong><strong></strong></p><p style="margin: 0pt;"><strong> </strong></p><p style="margin: 0pt;"><span style="font-family: Arial; letter-spacing: 0pt; font-size: 12pt;">曾主席喺訪問中又大談少年夢想，話「一個人如果無夢想、理想或追求的目標會是好悶的事……玄一點講，人生會有多一重意義」。佢年輕時想做科學家，大學讀數學，畢業後準備去美國深造，但當時遇上全球學運浪潮，大學紛紛停課，去美國嘅計劃暫擱，結果誤打誤撞留港做咗教師，之後從政。曾主席嘅體會係，唔係每個人都咁幸運可以實現夢想，「與其為失落的東西懊悔，不如放開懷抱，如何把握眼前有的機會發揮，做到最好」。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">曾主席除咗夢想有憾，亦話「如果你問我有什麼遺憾，就是年輕時沒有機會接觸藝術」，佢認為音樂、藝術都係屬於人類智慧創造或者成果，佢有興趣涉獵。</span></p>