<p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">長和主席李嘉誠日前受訪，反對政府徵「富人稅」，建議政府提高利得稅率1%至2%，再將資源分配到教育及醫療。自由黨榮譽主席田北俊昨受訪稱，絕不同意李嘉誠提高利得稅建議，認為加稅影響中小企，李反對開徵富人稅是因他會受影響，指李的言論旨在「點起火頭」，不想撤資行動令京不滿。</span></p><h2><strong><span style="font-family: Arial; letter-spacing: 0pt; font-weight: bold; font-size: 12pt;">不想京注視撤資</span></strong></h2><p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">田北俊昨反駁李嘉誠加稅扶貧論是「調轉嚟講」，指他真正目的是反對影響自己的富人稅，田又指「加利得稅係加喺中小企身上，富人稅就係加佢，佢根本唔想你加佢富人稅，所以整壇咁嘅嘢出嚟講」。</span></p><p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;"><br /></span><span style="font-family: Arial; letter-spacing: 0pt; font-size: 12pt;">被問到李嘉誠為何此時談加利得稅，田北俊認為李不想京注視他撤資，「（李嘉誠）其實喺度撤緊資，但又唔想阿爺（北京）覺得佢（李嘉誠）唔妥佢（北京），所以點着個火頭，講到天花龍鳳」。</span></p><p><span style="font-family: Arial; letter-spacing: 0pt; font-size: 12pt;"><br /></span><span style="font-family: Arial; letter-spacing: 0pt; font-size: 12pt;">若政府加利得稅，田北俊指商界會感「條氣唔順」，「我畀咗錢你，你（政府）做乜唔去照顧弱勢社群？但田北俊認為，政府缺的不是錢，反而庫房嚴重水浸，有3萬多億儲備和外匯基金，卻沒大力扶貧：「你加稅嚟做乜嘢？加咗稅，佢（政府）咪又係擺喺庫房。」田北俊形容政府是孤寒財主，「儲儲埋埋咁多錢，你唔幫助弱勢社群？點解要令到我哋工商界畀人鬧係無良僱主？」</span></p>