左校出身史上最年輕立會議員政治覺醒之路

<span style="font-family: Arial; letter-spacing: 0pt; font-size: 12pt; background-image: initial; background-attachment: initial; background-size: initial; background-origin: initial; background-clip: initial; background-position: initial; background-repeat: initial;">由雨傘運動到立法會選舉，短短不過兩年，羅冠聰已由被控闖入金鐘政府總部，堂而皇之大踏步走進旁邊的立法機關。逾4萬票的支持，打造香港史上最年輕立法會議員；23歲的嶺大生，出身去政治化家庭、成長於左校，如果劉曉波沒有獲諾貝爾和平獎，他未必關心政治。主張民主自決之時，他亦關心內地維權，表明支持平反六四。 <div><img src="/EditBackyard/EditorData/Photo/1474202110_8b33888.jpg" width="400" height="224" alt="" /> </div><span style="font-family: Arial; letter-spacing: 0pt; font-style: italic; font-size: 12pt; background-image: initial; background-attachment: initial; background-size: initial; background-origin: initial; background-clip: initial; background-position: initial; background-repeat: initial;">羅冠聰政總外連接港鐵站的天橋，傘運時瀰漫公僕投訴出入受阻的怨氣；兩年後重返舊地，傘運核心之一的羅冠聰，卻接連獲路過人士打氣。羅冠聰坦言被逾4萬得票「嚇親」（嚇壞），由原來預算爭港島第六位尾席到高琚得票第二位，他相信與論壇表現穩重、社會賢達推薦有關；團隊的努力，例如設深宵街站見夜歸人，也打動不少選民。選票內載的一份傘運精神，當然是主因。「好多人係想有個撐傘嘅人喺議會，係集體回憶又好、係創傷都好，都係希望有人喺議會內，活生生見證呢個能量，去延續呢份精神，始終呢件事，係近年對香港最大影響嘅事。」生於刻意去政治化的家庭，就讀「紅底」的香港教育工作者聯會黃楚標中學，卻在2014年成為民主運動的領航人之一，羅冠聰政治啟蒙在中六，當年是2010年，劉曉波奪諾貝爾和平獎，「嗰時覺得攞到獎應好偉大，但佢去唔到領獎喎，我當時諗：點解？」校長更成為他找答案的動力，「第二朝校長仲喺早會詆毀劉曉波，話佢係一個衰人，咁就引起我強烈好奇心，上網睇下，見到佢為大陸人權付出好多，但點解喺呢個制度下，會畀一個中學嘅校長咁樣講佢？」當時他是辯論隊，因為辯題而多加留意社會議題，「發現香港真係好多問題」，漸漸懂得分事非黑白；相約朋輩到維園參加六四晚會，大學時期積極投入社會運動。立法會若提出平反六四議案，他表明支持；有別於不少本土自決派，羅關心內地問題，不贊成完全切割，例如維權律師被迫害，「佢哋同我哋都係有一套共同價值，喺中共下受迫害、想反抗成個政權…佢哋嘅反抗命運，同我哋城市嘅命運或多或少都係相連……我唔覺得可以輕易話唔理或者唔聲援。」但他強調：「當然香港嘅民主進程，係我哋優先要關注，要逐點逐點去疏理，例如新界鄉紳問題（涉黑恐嚇），都係推進民主嘅一個阻礙。」有質疑指他年紀輕、閱歷淺，無法勝任議員工作，這位最年輕議員回應時擲地有聲：「議會好多有資歷嘅議員，開會都係瞓覺；最重要係你呈現乜嘢態度、能力同信念」，他強調人生閱歷也應講求質素，「過去兩年我經歷咗好多波折，令我急促成長」。在他而言，年輕非但不是包袱，更提供年長者未必想到的角度，「好似傘運，對大人嚟講，覺得你哋班細路仔唔識死；但我哋嘅角度係，有時係要有啲突破、要更進取。」未來四年任期，他關注政制發展，亦專注大專教育議題；議會抗爭有否底線？「我唔係一個害怕衝突嘅人」，但他明言，要留意不斷升級的抗爭行動，是否真正能阻擋惡法，「例如佔領主席枱，轉間房其實又可以開會，下次甚至唔畀你入嚟，連拉布嘅機會都冇埋。」他強調議會抗爭之時，更重要是加強連結議會外的民間力量。