中央未表態　局長玩「騎牆」梁班子拒挺梁

隨着特首選戰開鑼，外界關注現任司局長及建制陣營，究竟會支持財政司司長曾俊華，還是特首梁振英做下屆特首，但他們均拒押注挺梁連任，連被視為梁粉局長的發展局局長陳茂波及創科局局長楊偉雄均拒挺梁，楊偉雄更指「唔一定要係邊個邊個（做特首）」，暗示就算換特首仍希望留任。有政界人士指，梁班子拒挺梁令人感奇怪，不排除因中央未表態而「騎住牆先」，勢必令梁政府淪為「跛腳鴨」。 早前傳曾俊華去信中央要求辭職選特首，梁振英連續兩日不點名批評曾俊華，兩人選戰提早開打。曾俊華昨現身創新科技嘉年華開幕禮，對選舉避而不談；而梁昨出席授勳儀式後同樣未有發言。 多名局長昨被追問會支持梁振英還是曾俊華做下屆特首，均不肯表態。食物及衞生局局長高永文與勞工及福利局局長張建宗均拒表態，高指自己責任是盡力做好份內工作，「包括任何參選嘅人士嘅情況，我係唔會喺呢度評論」，張亦以有很多民生工作要做而不評論。<h2>楊偉雄暗示有意留任</h2>被視為梁愛將的陳茂波，他昨在電台節目強調會集中精神、心無旁騖做好發展局工作，之後又以未有其他人表態參選、未有人提出政綱為由，拒表態挺梁連任；至於如何評價曾俊華，陳亦刻意避談，只是以「好多謝行政長官喺過去幾年裏面，畀我哋發展局同埋各部門嘅支持」作回應。 另一梁粉局長楊偉雄亦不肯表態挺梁，楊強調加入創科局是「想服務香港」，至於誰做下任特首，「呢啲嘢唔一定要係邊個邊個（做特首）」，更暗示就算換特首，他也想留任，「如果我有呢個機會我冇問題，我繼續為香港服務」。<h2>星之子：對政治冇研究</h2>至於建制陣營同樣不肯表態挺梁。獲梁頒授大紫荊勳章的陳永棋，昨大讚已宣佈選特首的胡國興「係一個好正直嘅人」，又指曾俊華也是「一個好好嘅人」，連新民黨葉劉淑儀，陳亦稱自己與對方為世交，但被問到是否支持梁振英時，陳只稱「梁振英我識咗佢30幾年」，總之「逢親有資格嘅人參選都好嘅」。 曾獲梁振英邀請出席就職禮的「星之子」陳易希，昨出席授勳儀式亦不肯對挺梁表態，推說「自己對於政治方面冇乜好大研究」。前財政司司長梁錦松昨被問到對各疑似特首人選，只肯說各有千秋，「有啲人人緣好好、有啲人戰意好強、有啲人就係好硬朗、有啲人好打得」，直言待有更多人正式表態，「再睇吓支持邊個」。 民主黨林卓廷認為，問責官員作為梁班子一員，「正常係要有少少支持梁振英嘅訊息」，相信他們正等待中央發落，故問責官員均「騎住牆先」，但難免令港府淪為「跛腳鴨」。中大政治及行政學系高級講師蔡子強亦指，身為問責官員應對特首義無反顧，梁班子態度令人感奇怪，估計與梁振英未宣佈參選、曾俊華又似乎有機會有關，令一眾問責官員「留空間畀自己」。