<p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">民主派26名戰將，包括「民主進步會計師」、「誠．會計師」兩張名單連同獨立參選的陳耿廸，會出戰會計界選委，表明「No CY」；其中21人的「民主進步會計師」團隊共同目標包括「踢走689」，副召集人李健恆說：「我哋唔想被Label（標籤）做ABC（Anyone but CY），作為專業人士純粹選賢任能，只不過梁振英過去4年表現晒出嚟，唔合格囉，所以唔會喺我哋考慮內，因為達唔到要求。」</span></p><p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;"><br /></span><span style="font-family: Arial; letter-spacing: 0pt; font-size: 12pt;">團隊成員李淑儀稱參選皆因到達「臨界點」，指近年發生的荒謬、不公、廉署風暴、梁振英UGL事件等，都令她忍不住要站出來。黃健菁也是團隊內首戰成員，因所住社區規劃出問題開始關注社會不公：「小圈子選舉我都要加入，因為想進入制度改變，如果連個制度都唔進入，你喺外面又可以做乜？」</span></p><p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;"><br /></span><span style="font-family: Arial; letter-spacing: 0pt; font-size: 12pt;">李健恆直言找人出選有難度，因不少會計師所屬公司亦與內地有生意來往，參選或有壓力及顧慮。雖然投票意向現不可一概而論，但傾向不投白票，其中成員王嘉盈說：「我哋走入制度係希望改變，投白票改變唔到，只會令穩奪江山嘅人更加風光……我哋想改變，憑手中一票改變。」團隊強調人大8.31決定不符《基本法》，要求換特首重啟政改，爭取真普選。</span></p><h2><strong><span style="font-family: Arial; letter-spacing: 0pt; font-weight: bold; font-size: 12pt;">譚香文：我要隊冧</span></strong><strong><span style="font-family: Arial; letter-spacing: 0pt; font-weight: bold; font-size: 12pt;">（打敗）</span></strong><strong><span style="font-family: Arial; letter-spacing: 0pt; font-weight: bold; font-size: 12pt;">689</span></strong></h2><p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">在2004至2008年擔任會計界立法會議員時自動成為選委會當然委員的譚香文，今屆處女下海獻出選委第一戰：「其實我成個4人團隊『誠．會計師』都係第一次參選選委。」她解釋，「上屆我冇參選，覺得都係唐英年掂梗，小圈子都係欽點，費事參加，但結果又唔係咁喎」。譚香文指過去4年見盡梁振英治下社會撕裂、民不聊生，若梁振英連任，她也要考慮移民，故索性參選，「開宗明義，我要隊冧689。」</span></p><p><span style="font-family: Arial; letter-spacing: 0pt; font-size: 12pt;"><br /></span><span style="font-family: Arial; letter-spacing: 0pt; font-size: 12pt;">她指為阻梁振英當選，「必要時唔介意畀票曾俊華」，指曾俊華相對地較民主及公道，「如果得CY同財爺，梗係要畀財爺，唔可以畀CY攞到601票過半數」。</span></p>