<p>鉛水事件之後,市民更關注食水安全問題,立法會早於舊年已要求政府安排議員去廣東考察東江水嘅供水系統,但考察團一再延期,����家落實喺4月14至15日去考察。目前共6個民主派議員報名,全部本身有回鄉證。</p> <p>中央政府舊年開始向無證嘅民主派發回回鄉證,大家都好關注有無民主派返內地。現時立法會仍有3個無證議員,包括社民連梁國雄、街工梁耀忠同民主黨涂謹申。不過,佢哋3人都無報名參加今次嘅東江水考察團。</p> <p>根據立法會文件,莫乃光、梁繼昌、張超雄、黃碧雲、朱凱廸和邵家臻等6名民主派議員已經報名參加考察團,佢哋全部都係有證之人;而隨行官員就待定。</p> <p>立法會秘書處噚日向參加議員發出文件,協助議員安排住宿。議員可自行選擇地方住宿,或者由秘書處安排,處方仲好貼心可以安排非吸煙,或者吸煙房間畀議員。</p>