<p style="margin: 0pt;"><span style="font-family: Arial; letter-spacing: 0pt; font-size: 12pt;">六四事件踏入28周年，支聯會將喺周日晚舉行六四燭光晚會，Emily知道，一支名為「八酒六四」嘅六四紀念酒將會現身晚會。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">舊年有4名四川男子製造同售賣「八酒六四」六四紀念酒，樽身有王維林擋坦克嘅影像圖案，定價89.64元人民幣。4人被捕之後，呢支酒輾轉到過南亞、中東同埋歐洲，早排由美國公民力量發起人楊建利，喺華盛頓交畀支聯會前常委陶君行，陶君行打算將酒放喺六四紀念館展出，並帶埋佢出席晚會。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">陶君行接受《紐約時報》中文網訪問時提到，紀念酒於六四晚會後有機會放喺六四紀念館展出，供市民觀看。楊建利形容，製酒人正喺度努力恢復關於我哋過去嘅集體記憶，又寄望中國有一日會接受佢嘅過去，六四事件必須有一個解決辦法。</span></p>