<p style="margin: 0pt;"><span style="font-family: Arial; letter-spacing: 0pt; font-size: 12pt;">今年康文署唔批准民陣以維園足球場作為七一遊行起點，只係批准民陣租用維園中央草坪同音樂亭做起點。民陣噚日同警方召開第二次會議，商討遊行安排。民陣建議銅鑼灣一帶做第二個起點，以便減低排隊等起步嘅時間，但警方堅持遊行需要喺維園草坪開始。民陣召集人區諾軒話，到時球場有慶回歸活動打對台，如果有任何混亂，慶委會執行主席鄭耀棠同警方責無旁貸。</span></p><p style="margin: 0pt;"> </p><p style="margin: 0pt;"> <img src="/EditBackyard/EditorData/Photo/58b705c6ac6650210307bfec33cd83f8.jpg" width="400" height="155" alt="" /></p><p style="margin: 0pt;"><em><span style="font-family: Arial; letter-spacing: 0pt; font-style: italic; font-size: 12pt;">民陣已經落區掛橫額宣傳七一遊行。今年七一遊行主題係「一國兩制呃足廿年 民主自治重奪香港」。</span></em><em></em></p><p style="margin: 0pt;"><em> </em></p><p style="margin: 0pt;"><span style="font-family: Arial; letter-spacing: 0pt; font-size: 12pt;">民陣表明，會喺警方發出不反對通知書之後提出上訴。民陣建議喺波斯富街、或記利佐治街、東角道做第二起點做分流，但警方堅持要所有人走入維園草坪先可以維持秩序。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">其實近年唔少參加七一遊行嘅市民都喜歡喺銅鑼灣中途加入，民陣認為根據警方安排，只會令更多市民選擇喺銅鑼灣出發。區諾軒話，維園仍然有象徵意義，呼籲市民一齊喺維園草坪起步，但市民亦可以沿途加入，解決起點空間不足嘅問題。</span></p>