<p style="margin: 0pt;"><span style="font-family: Arial; letter-spacing: 0pt; font-size: 12pt;">中央舊年向無回鄉證嘅民主派人士「開綠燈」，畀佢哋申請證件返內地。繼支聯會副主席蔡耀昌後，身兼民主黨中委同支聯會常委嘅張文光都已經領取咗回鄉證，仲喺上周五（16日）返咗去亡父家鄉台山。今次係張文光28年來首次持回鄉證返內地旅遊，佢話期待稍後去東北三省旅遊。</span></p><p style="margin: 0pt;"> </p><p style="margin: 0pt;"> <img src="/EditBackyard/EditorData/Photo/8f209032a46af7d58cfa1855b6e33d32.jpg" width="300" height="540" alt="" /></p><p style="margin: 0pt;"><em><span style="font-family: Arial; letter-spacing: 0pt; font-style: italic; font-size: 12pt;">張文光上周五到父親故鄉台山，到父親曾入讀嘅大塘村蘆溪學校舊址參觀。</span></em><em></em></p><p style="margin: 0pt;"><em> </em></p><p style="margin: 0pt;"><span style="font-family: Arial; letter-spacing: 0pt; font-size: 12pt;">希望去東北三省 睇日本侵華痕迹</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">1989年六四後，張文光就無法踏足內地，上周佢同老婆北上，今次行程目的係一圓父母遺願，睇睇家鄉嘅房子。佢話本來打算一日內到訪父母家鄉台山同東莞，但礙於天氣唔好，只係去到台山，睇吓當年爸爸讀過嘅小學，至於去東莞就要再擇日。張文光話領回鄉證過程順利，「按本子辦事，（職員）好有禮貌」，又指過關順利，無遇到特別對待。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">「始終都28年沒有踏足過這個國家（旅遊），想看看佢嘅模樣，而且係自己看。」張文光話做議員時曾經跟立法會團隊返內地考察，「但全程有公安跟隨」，今次可以「自己睇最真實嘅一面」、「出入境好順利、好自由」。佢話希望未來有機會去東北三省，睇日本侵華嘅歷史痕迹，以及去遼寧旅順，睇中日甲午戰爭時旅順大屠殺嘅史地。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">目前尚有幾名民主派人士未有回鄉證，其中一人係民主黨前主席劉慧卿。卿姐話未有計劃申證返內地，指要睇吓中央政府係咪真係會畀新一屆政府高度自治，要視乎行政立法關係有無改變，如果中央繼續打壓泛民，香港嘅問題會愈演愈烈，「到時我又何必要返去（內地）呢？」</span></p>