新民黨倡准港人參軍 – 纵览中国-China In Perspective

特首林鄭月娥將於10月公布任內首份《施政報告》，當然會見吓唔同政黨、團體，聽吓佢哋有咩建議，噚日新民黨見完林鄭後就同傳媒見面，佢哋亦有出位建議，包括提出要促進中港融合，建議中央畀香港人加入外交部工作，參與國家建設，更建議解放軍畀港人自願投軍，接受軍訓，增加對國家嘅歸屬感。建議中央畀港人加入外交部新民黨主席葉劉淑儀話，政府過去政策保守因循，認為林鄭需要推行改革。對於社會提到有「三座大山」，包括土地房屋、領展同醫療問題，新民黨當然有提出多項建議，葉太引述話收到好多意見，之後會權衡輕重，考慮後再提出重點。<div> </div>除咗「畀港人參軍」呢啲咁有創意嘅建議，新民黨亦建議政府適度填海、研究釋放葵涌貨櫃碼頭用地，將碼頭搬去大嶼山，以增加土地供應；又提出希望仿效內地城市咁實施限購，加強管理住宅需求；教育方面，新民黨就建議全面檢討新高中學制、強化中史和中文科，話希望增進學生認識中國，培養對中華文化嘅自豪感。