<p style="margin: 0pt;"><span style="font-family: Arial; letter-spacing: 0pt; font-size: 12pt;">建制派立法會議員暨嶺大校董何君堯上月捲入「殺無赦」言論同履歷風波，嶺大學生之前要求校方就「殺無赦」論於限期前作出4項跟進行動，否則「佔領」校園。嶺大學生噚日就發新聞稿，話由今日起展開喺校園紮營同掛黑布嘅「佔嶺行動」，要求校方出席周五嘅學生論壇，否則行動會升級。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">公開信提到，近日發起聲討何君堯遊行，可惜仍得唔到校方滿意回覆，話校方唔單止冇公開譴責何君堯，更只重複何君堯只以個人身分發言，亦冇承諾喺校董會增加任何跟進議程，睇唔到校方誠意，所以「被迫作出最不樂見的選擇和行動」。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">何君堯﹕學生思想被誤導</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">學生將會喺嶺大發起「佔嶺行動」，於天幕嘅位置紮營抗議，又會喺全校大樓名同校徽地方掛上黑布，今日亦好大機會宣布成立一個新抗議組織，向校方發起更多不合作運動。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">何君堯覆Emily時話，對學生熱情可以理解，但今次針對嘅事就睇錯咗，佢話當日「殺無赦」言論冇唔合法，只係部分傳媒炒作，令學生思想被蒙蔽同誤導。佢又話，如果學生覺得佢嗰番言論用錯一個字都有咁嚴重嘅後果，咁用同一把尺，更加覺得發起佔中嘅港大法律學院副教授戴耀廷有問題。佢最後話，希望可以同學生搵一個時間同地點傾吓，「想關心學生發展同埋佢哋嘅思維」。</span></p>