王志民宴建制鍾國斌：自由黨不再是壞孩子

中聯辦主任王志民前晚設宴款待建制派議員，不屬建制嘅醫學界議員陳沛然亦有獲邀，中聯辦網站噚日就上載王志民講話及晚宴相片，佢當晚主要同大家解讀吓十九大報告對香港嘅新定位、新使命同新要求等，據聞主任講足45分鐘。Emily聽聞建制派代表亦有發言，唔知係普通話唔好定有其他原因，大部分人都講廣東話，包括話邀請王志民去立法會嘅立法會主席梁君彥。  <img src="/EditBackyard/EditorData/Photo/554f45e2c6a26ec6bd7c880f6d0da31f.jpg" width="450" height="268" alt="" />中聯辦網站昨日上載主任王志民宴請建制派議員嘅相片，可見主家席上，立法會主席梁君彥、建制派「班長」廖長江分別坐喺主任兩旁。 Emily聽聞，王志民發言後，梁君彥、「班長」廖長江、民建聯主席李慧琼、新民黨主席葉劉淑儀、工聯會麥美娟、經民聯盧偉國、自由黨鍾國斌都有輪流講幾句，而用普通話發言嘅只有廖長江、葉太同盧偉國。自由黨過去被視為「壞孩子」，不過Emily聽聞，當晚鍾國斌就特別講明自由黨不再是壞孩子喇。至於盧偉國就形容自己係工程師，永遠建設，所以永遠都係建制派。 王志民：威脅國家隱患尚沒清除 據中聯辦網站報道，王志民前晚解讀十九大報告時，就住「要支持特區政府和行政長官依法施政、積極作為，團結帶領香港、澳門各界人士齊心協力謀發展、促和諧，保障和改善民生，有序推進民主，維護社會穩定，履行維護國家主權、安全、發展利益的憲制責任」呢節，佢提到「香港迄今仍未能完成基本法23條立法，不少影響以至威脅到國家主權、安全、發展利益的風險隱患尚沒有得到有效清除和防範」。佢話報告強調支持特首同特區政府履行維護國家主權、安全、發展利益嘅憲制責任，「值得香港社會認真思考」。