<p style="margin: 0pt;"><span style="font-family: Arial; letter-spacing: 0pt; font-size: 12pt;">港區全國人大選舉下月舉行，有人躍躍欲試，包括全國政協前委員劉夢熊，佢仲已經寫好政綱，開始同選民「打招呼」。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">前「梁粉」劉夢熊之前因為妨礙司法公正罪成，今年初先刑滿出獄。佢同Emily講，原本打理緊自己啲金融生意，但最近「搭車都有人搵我合影」，認為好多人睇咗佢早前寫〈「全面管治權」提法有違一國兩制初衷〉嘅文章，「對我寄予厚望，認為我係代表一國兩制『不變形、不走樣』嘅力量」，所以決定出選人大。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">佢喺政綱提到，除建制派外，亦希望聯同民主黨、公民黨等不贊同港獨嘅民主派，建立「反獨不分左中右，愛國不分先與後」共識，一齊打擊港獨，並「深入大學、中學進行反港獨交流」，唔想「港獨」害死香港、「倒香港米」。佢又主張撤回人大8．31決定，喺《基本法》框架下重啟政改，化解撕裂。劉夢熊自稱係「是其是、非其非」派，冇西環祝福，所以都冇指望會當選，但覺得「左中右」選委都接受佢嘅主張。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">何漢權季霆剛亦躍躍欲試</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">現時政圈已有唔少人積極聯繫選民，新近傳出嘅人名仲包括公開大學科技學院院長何建宗、教育評議會主席何漢權及全國港澳研究會會員季霆剛。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">何漢權就話係「使命感推使」佢參選，認為「教育係民族復興嘅根本」，希望將國史、國學同國情教育結合，推動國民教育。佢強調自己有多年經驗，希望喺內地有平台落實，現時做緊「民意調查」，如「多人支持就會去選」。季霆剛就話想做新時代下嘅人代，正接觸緊「有關方面」尋求祝福，評估完形勢先決定是否去馬。</span></p>