<p style="margin: 0pt;"><span style="font-family: Arial; letter-spacing: 0pt; font-size: 12pt;">喺佔領行動後形成嘅旺角「鳩嗚團」（購物），正積極考慮參加今屆港區人大代表選舉，仲已陸續聯絡民主派選委爭取支持。鳩嗚團團友錢寶芬同Emily講，啱啱先發現原來唔係權貴先可以參加呢場小圈子選舉，所以忽發奇想考慮參選。佢話中國憲法係「全世界最好嘅憲法」，只係內地政府唔遵守，所以即使參選要簽「衰仔紙」擁護憲法，都無違人權同現代文明。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">錢寶芬話，昔日以為人大小圈子選舉只係權貴先可以參加，但由於有團友係人代選民，經對方講解，先知只要係18歲以上嘅中國公民就可以參選，所以鳩嗚團考慮搵人參選。錢寶芬仲強調「我們係堂堂正正嘅中國人，無雙重國籍」，希望透過人大選舉嘅平台為港人發聲，「我們係堅持不走樣嘅一國兩制」。至於鳩嗚團會有幾多人參加，及目前拎咗幾多提名？錢寶芬話</span><span style="font-family: Arial; letter-spacing: 0pt; font-size: 12pt;">現在</span><span style="font-family: Arial; letter-spacing: 0pt; font-size: 12pt;">都係好初步，希望透過輿論爭取「民主300＋」提名支持。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">郭家麒參選 今公布政綱</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">另一方面，曾想參選嘅公民黨議員郭家麒，早前一度考慮唔參選，因明言唔會簽署聲明擁護中國憲法，不過郭醫生終於下定決心參選人代，佢今日會召開記者會，公布參選政綱。</span></p>