<p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">港區全國人大代表選舉提名期今日截止，全國政協前委員劉夢熊將報名參選，佢</span><span style="font-family: Arial; letter-spacing: 0pt; font-size: 12pt;">昨</span><span style="font-family: Arial; letter-spacing: 0pt; font-size: 12pt;">日向Emily透露已經攞到30幾張提名票（參選要有10人提名），包括前特首曾蔭權、立法會議員何君堯，同競逐連任嘅港區人代張明敏等。劉夢熊同曾蔭權曾因唔同案件坐過監，但夢熊相信得到對方支持並非因為大家都受過牢獄之苦，而係曾蔭權知道自己為一國兩制「不走樣、不變形」而努力咁話。</span></p><p style="margin: 0pt; padding: 0pt;"> </p><p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">指獲撐因捍衛一國兩制 非因坐過監</span></p><p style="margin: 0pt; padding: 0pt;"> </p><p style="margin: 0pt; padding: 0pt;"><span style="font-family: Arial; letter-spacing: 0pt; font-size: 12pt;">坊間盛傳唔少獲「祝福」名單，劉夢熊話佢無西環祝福，「注定被封殺」，批評選舉機制係「既定利益集團分餅仔玩意」，有政治智慧嘅人才會被排斥，所以今日報名時會安排的士司機同「知青代表」陪同，突顯人民嘅祝福。佢又話自己一直保持低調，無廣泛打電話爭取提名，無印過宣傳單張，連選委通訊冊都無攞。</span></p><p style="margin: 0pt; padding: 0pt;"> </p><p><span style="font-family: Arial; letter-spacing: 0pt; font-size: 12pt;">政制及內地事務局前局長譚志源早前亦獲曾蔭權提名參選。劉夢熊話，多年前已認識曾蔭權，曾獲對方委任為中策組非全職顧問，自己早前以WhatsApp透過曾蔭權助理聯絡曾蔭權，以捍衛一國兩制為政綱，爭取支持。佢強調自己抵制港獨自決，同時抵制「一左二窄」嘅階級鬥爭思維，佢會要求就《基本法》23條立法同重啟政改，成立諮詢委員會，尋求共識。</span></p>