<p style="margin: 0pt;"><span style="font-family: Arial; letter-spacing: 0pt; font-size: 12pt;">立法會補選明年3月11日舉行，泛民正就新界東同九龍西補選舉行初選，1月中就會選出兩區披甲代表，不過目前選舉又有變數喇，Emily聽聞，傘後組織「社區網絡聯盟」嘅發言人劉頴匡（圓圖）有意代表本土派出戰新東補選。劉頴匡仲已經喺facebook寫明「不再支持香港獨立，並全心全意擁護及熱愛基本法」。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">被問到係咪積極考慮參選新界東補選，劉頴匡未有否認，話仲考慮緊，最遲今日有決定，聽日會開記者會，宣布最終嘅意向。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">有本土派人士同Emily講，目前新東無一個參選人可以代表本土派，而劉頴匡已經陸續接觸唔同泛民政黨摸底，仲有搵青年新政梁頌恆討論，甚至邀請緊梁頌恆出席記者會。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">新民主同盟范國威話，已預咗新東補選會有多人混戰，強調目前會沉着應戰做好初選，但強調如果非建制派有多人參選，只會削弱民主派重奪議席嘅機會。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">同參加新東初選嘅工黨郭永健話，初選機制由民主動力好辛苦咁定出嚟，認為有本土派人士參選，可以交畀民主動力處理。</span></p>