<p style="margin: 0pt;"><span style="font-family: Arial; letter-spacing: 0pt; font-size: 12pt;">沙田區議員陳國強積極參加3月舉行嘅新界東立法會補選，噚日更喺facebook上載佢已拎咗提名表格，佢話參選除咗係想測試政府仲會唔會DQ佢，仲指自己係代表本土派同激進民主派參選。陳國強講明，今次會簽署擁護《基本法》嘅確認書，又呼籲泛民讓路畀佢，「我讓咗佢哋咁多次，讓我一次好應該」。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">稱會簽確認書 表明非「港獨派」</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">陳國強前年參加立法會超級區議會選舉時，選舉主任以佢支持港獨為由，取消其參選資格，但陳現時就表明「我從來都唔係港獨派」。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">陳國強同Emily講，現時參加新界東民主派初選嘅3個參選人，包括新民主同盟范國威、工黨郭永健、中大學生會前會長張秀賢，都唔能夠代表佢同本土派，因此自己出戰。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">新界東補選可以話非常熱鬧，建制派只派一人應戰，就係工聯會鄧家彪；相反，泛民主派同本土派就有多人表態有興趣參選，除咗參加緊泛民初選3人，傘後組織社區網絡聯盟嘅發言人劉頴匡早前都表明有意出戰，</span></p>