<p style="margin: 0pt;"><span style="font-family: Arial; letter-spacing: 0pt; font-size: 12pt;">泛民初選周日投票，唔同參選人都不斷講自己有咩支持者，同時就令泛民內部都幾多爭拗。參選新界東嘅中大學生會前會長張秀賢接受香港獨立媒體訪問時，被問到邊個係佢嘅「親密戰友」，佢就回應話2016年立法會選舉時曾為羅冠聰站台、區諾軒拉票，認為只要有共同目標都應該是朋友。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">阿聰：高度互信顯然沒有</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">呢個講法一出，香港眾志主席羅冠聰噚日就喺facebook發文，不點名地劃清界線。佢話一直不願多談初選，亦希望無論邊個勝出，都以泛民4席全勝為目標，放下爭拗，但見到有報道提到佢個名，當中可能有啲誤會。佢話感謝幫過佢嘅人，但覺得要稱對方「親密戰友」都有幾嚴謹嘅門檻，「至少要是雙方認可，有高度互信吧」，指合作過、擺過街站，甚至助選，距離「親密戰友」仲有一段非常非常遠嘅距離。「高度互信，顯然地，是沒有的。」</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">羅冠聰話好多時都唔想講個人事，但有人主動提佢個名，好似言中有義，佢就不得不回應，又希望大家選舉時小心措辭，「避免讓人覺得抽水來抽水去」。泛民新東初選有張秀賢、郭永健及范國威參加。</span></p>