<p style="margin: 0pt;"><span style="font-family: Arial; letter-spacing: 0pt; font-size: 12pt;">立法會補選，民主派姚松炎同民建聯鄭泳舜兩名九龍西候選人都各出其謀吸引選民。傘後團體「維修香港」近日自製印地語同烏都語橫額，為姚松炎爭取少數族裔支持；至於參選以嚟一直群星拱照嘅鄭泳舜（Vincent），噚日喺facebook上載民政事務局前局長曾德成嘅支持短片，兩人一齊打籃球，並閒談體育政策。</span></p><p style="margin: 0pt;"> </p><p style="margin: 0pt;"> <img src="/EditBackyard/EditorData/Photo/a94db8f8b497aa3ab4d6c00c7232d1ba.jpg" width="450" height="240" alt="" /></p><p style="margin: 0pt;"><em><span style="font-family: Arial; letter-spacing: 0pt; font-style: italic; font-size: 12pt;">「維修香港」為姚松炎寫中文同少數族裔語言雙語橫額拉票，圖中係印度人用嘅印地語。</span></em><em></em></p><div> </div><p style="margin: 0pt;"><span style="font-family: Arial; letter-spacing: 0pt; font-size: 12pt;">維修香港近日喺fb貼圖，話製作印地語橫額時，有印度街坊行過見到好開心，覺得有人重視佢哋，至於講烏都語嘅巴基斯坦人，唔少都喺香港土生土長，講流利廣東話，維修香港寄語大家唔好忽視「每一股可以一齊迎難而上嘅力量」。</span></p><p style="margin: 0pt;"> </p><p style="margin: 0pt;"><span style="font-family: Arial; letter-spacing: 0pt; font-size: 12pt;">另邊廂，Vincent喺短片話希望九龍西有更多體育設施，畀市民享受做運動樂趣，曾德成就形容體育對市民身體健康同精神堅持都有好大促進作用。</span></p><p style="margin: 0pt;"> </p><p><span style="font-family: Arial; letter-spacing: 0pt; font-size: 12pt;">身為深水埗區議員嘅Vincent，透露自己第一個區議員辦事處開張就係由曾德成主禮，曾德成話對Vincent印象深刻，大讚佢長期扎根社區，了解基層同中產切身問題。</span></p>