<p style="margin: 0pt; padding: 0pt; background: #ffffff;"><span style="font-family: Arial; letter-spacing: 0pt; font-size: 12pt;">港大法律系副教授戴耀廷上月赴台出席論壇時提出若將來反共成功，香港可以考慮獨立建國，遭港澳辦、中聯辦、政府及建制團體等連日炮轟。戴今出席電台節目時表示，毋需為有關言論道歉。</span></p><p style="margin-right: 0pt; margin-left: 0pt;"><span style="font-family: Arial; letter-spacing: 0pt; font-size: 12pt;">他指，今次針對他的行動是政權想產生效蟬效應，殺雞儆猴，繼而要孤立他，「我依家好感覺到，我成為咗一隻雞，就係殺雞儆猴嗰隻雞，你哋就可能成為嗰隻猴，因為會殺馬騮，你哋仲夠夠膽講嗰啲嘢呢？大家睇到嗰隻雞受到咩對待啦，你仲夠膽做咩…當所有人都唔想做嗰隻畀人劏嘅馬騮時，咪唔好黐住戴耀廷囉，當被問到『你係咪支持戴耀廷言論』，你就要識得講嘢，尤其是你想參選，否則會被DQ。」</span></p><p style="margin-right: 0pt; margin-left: 0pt;"><span style="font-family: Arial; letter-spacing: 0pt; font-size: 12pt;">他又指，自己一句說話被抽空，然後遭打成支持港獨，故要了解他整個意思，應該看畢他說話的前文後理，呼籲社會大眾應思考今次針對他的行動的背後目的。被問到會否就言論道歉，戴耀廷表明沒有需要為此道歉，又指不會因此而要修飾言論，只是擔心日後主辦單位會否再邀請他出席。他認為，現時針對他的行動，真是文革式批鬥，「又要我道歉，使唔使我遊街吖？又要大學辭退我，跟著言論、學術仲有咩自由？跟著就要求所有人同我割蓆，問人支持唔支持戴耀廷言論，你一答得唔啱，就DQ你。就係要利用我嚟殺雞儆猴。」他指如果有人因為今次事件與他割蓆，不會感到難過。」</span></p><p style="margin-right: 0pt; margin-left: 0pt;"><span style="font-family: Arial; letter-spacing: 0pt; font-size: 12pt;">他笑言反而要「多謝特區政府、親共政黨、親共媒體同埋港澳辦、中聯辦」，因為他們把他以往在大學「象牙塔」中的想法，帶出到社會，「透過佢哋嘅政治運動，成為可以進一步討論嘅議題，可能因而有更多人討論我嘅意見，呢個係達到我嘅目標。你話我要道歉，不如我講多謝。」</span></p><p style="margin-right: 0pt; margin-left: 0pt;"><span style="font-family: Arial; letter-spacing: 0pt; font-size: 12pt;">有建制派要求港大解僱他，但他明言按現時大學的規則，校方短期內難以做到，但由於他已有佔中的官司在身，11月開審，屆時若被判有罪或要坐監，大學便會向他啟動紀律聆訊程序：「佢哋想港大辭退我，有咩理據呢？就係希望大學唔可以討論涉及港獨或任何形式嘅討論，呢個就係我作為『雞』嘅作用。」</span></p><p style="margin-right: 0pt; margin-left: 0pt;"><span style="font-family: Arial; letter-spacing: 0pt; font-size: 12pt;">他認為，即使自己的言論觸碰到中央的紅線，如果他沒有違反香港法律，他沒有需要憂慮，「如果佢定咗條紅線而我唔需要講嘢嘅話，但佢條紅線唔係法律規定，紅線係佢鐘意幾時劃就幾時劃，咁香港人嘅言論自由喺邊度？」</span></p><p><span style="font-family: Arial; letter-spacing: 0pt; font-size: 12pt;">對於有親共傳媒稱他的言論已觸犯煽動罪，他之後出席遊行時表示，佔中時已有類似講法出現，但指按普通法理解，有關罪行一定要涉及暴力，「咁我見唔到我有任何暴力的原素」，又指按2003年被擱置的23條立法內容，他亦未有干犯煽動罪，「我見唔到我有任何法律係違反咗」。</span></p>