湯家驊：林鄭任內完成政改23條助連任 – 纵览中国-China In Perspective

特首林鄭月娥上任以嚟一直強調要為《基本法》23條立法同重啟政改創造有利環境，行政會議成員湯家驊（Ronny）噚日出席港台節目後，被記者問到林太今屆任期末段係咪23條立法合適時機，Ronny話，如果林太今屆任期能完成政改同23條立法兩項重要使命，相信對佢連任特首「係有幫助」。Ronny強調，港府有責任推動呢兩項工作，要開始塑造有利條件，佢唔會認同政府「坐住喺度乜都唔做，等有利條件出現」，佢認為林太現已嘗試同泛民建立較好關係，中聯辦主任王志民亦到立法會午宴、邀請民主派回訪，又開放中聯辦畀公眾認識，話每個人都喺自己崗位出緊力。<div> </div>同場出席節目嘅民主黨成員吳思諾喺節目後話，23條立法同普選應該分開處理，唔贊成香港先就23條立法，除咗擔心立法後普選承諾唔會兌現，一旦香港喺未有普選下就為23條立法，港人言論自由將不受保障。建制派議員何君堯就話，目前對政府喺今屆任期完成23條立法仍抱樂觀態度，若未來立法方案比2003年嘅收緊，佢唔會感到出奇。