<p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;">港人對各地政府有咩觀感？港大民意研究計劃今個月調查咗約1500市民，問吓佢哋對14個地區或國家嘅政府有幾好感或者反感。有62.5%人都話對新加坡政府有好感，係眾多地區之冠。其次係加拿大政府，都有55.1%人話有好感。睇番數據，港人對德國政府（48.3%）嘅觀感都唔錯。</span></p><div> </div><p><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;">咁港人點睇特區政府？得38.2%人話有好感，不過喺兩岸四地嚟講，已經比起對中央政府 （31.1%）、 台灣政府（34.0%）同澳門特區政府 （37.3%）好。要留意嘅係，今次調查除咗兩岸四地之外，係揀咗港人熟悉嘅10個國家或地區，可能有啲好感程度爆晒燈嘅地方，唔喺今次調查範圍內。</span></p>