<p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;">立法會九龍西補選今年11月舉行，民主派早已大致協調好人選，建制派仍未有定案，食衛局前局長高永文一直「未決定」係咪參選，不過佢噚日接受奇妙電視英文台訪問，承認參選機會唔大（unlikely）。高醫生今日會喺土瓜灣一個建制派滅蚊活動現身，有消息話到時佢應該會正式宣布唔參選。</span></p><p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;">高永文或者唔選，近日就有傳佢嘅得力助手、食衛局前政助陳凱欣（Rebecca）或會代表建制派披甲上陣。Emily噚日問過Rebecca，佢話高醫生參唔參選由佢自己交代，高醫生作出決定後，自己先會考慮選唔選，但承認近日有唔少人鼓勵佢去馬。至於今日會唔會現身滅蚊活動，Rebecca就話已經安排咗工作，未能出席。</span></p><p><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;">新民黨主席葉劉淑儀噚日喺facebook貼文，盛讚Rebecca勤奮同有親和力、「風評甚佳」，意有所指話「假如她願意進一步服務香港，為民請命，我必定鼎力相助，全力支持」。除咗葉太，財經事務及庫務局前局長陳家強噚日喺facebook轉載Rebecca參選相關傳聞，形容「聽落唔錯」（sounds good to me）。一國兩制研究中心總裁張志剛噚日喺本報撰文講補選，話「隨手一挑」就有幾個「良好政治素養的政壇新晉」，被點名嘅亦包括Rebecca。</span></p>