<p style="layout-grid-mode:char;text-autospace:ideograph-numeric;"><span style="font-family:Arial;color:#000000;font-size:12.0000pt;">在</span><span style="font-family:Arial;color:#000000;font-size:12.0000pt;">菲律賓因販運冰毒被囚10多年嘅港人鄧龍威一直堅稱被誣告，24名泛民主派議員向特首林鄭月娥提交聯署信，希望政府可以盡力協助鄧龍威上訴，包括希望入境處可以提供出境紀錄嘅文件。</span></p><p style="layout-grid-mode:char;text-autospace:ideograph-numeric;"><span style="font-family:Arial;color:#000000;font-size:12.0000pt;">被判囚40年嘅鄧龍威，其社交專頁貼出民主派議員嘅聯署信及立法會議員謝偉俊嘅信，都係促請政府幫助鄧龍威。泛民議員喺信中話，鄧坐監近20年，「受盡折磨」，指鄧只係希望政府可以協助佢搵到新證據，好讓菲律賓最高法院可以公正審訊。泛民話，菲律賓最高法院喺今個月3號，要求鄧要喺10日內提交上訴書，仲必須有新證據，否則法院極可能維持原判，鄧龍威就要喺獄中度過餘生。</span></p><p><span style="font-family:Arial;color:#000000;font-size:12.0000pt;">謝偉俊早前都去信林鄭月娥，指鄧龍威已經坐咗近20年冤獄，希望港府盡力協助佢脫困。鄧龍威嘅社交專頁發帖文，感謝協助佢嘅謝偉俊及泛民議員，稱「不再是孤軍作戰」。「鄧龍威事件關注組」今日會喺政府總部外請願，希望林太關注事件，以及促請入境處盡快提供鄧嘅出入境紀錄，協助佢上訴。</span></p>