<p style="margin: 0pt 0pt 9pt; padding: 0pt;"><span style="font-family: Arial; letter-spacing: 0pt; font-size: 12pt;">九西補選在即，對於馮檢基昨日突然報名參選九龍西補選，早前曾在網台多番追問馮檢基參選意向、但遭馮多次拒絕正面回應的劉慧卿，今午接受《蘋果》訪問時批評馮檢基很奇怪：「大家都覺得嗰個唔係大家認識嗰個馮檢基嚟，以為佢已經係轉咗㗎嘞，咁轉咗係為乜呢？可能佢就係想劉小麗或者李卓人死（落選）啦，點解係咁呢？真係唔知，但大家覺得真係好煩。」</span></p><p style="margin: 0pt 0pt 9pt; padding: 0pt;"><span style="font-family: Arial; letter-spacing: 0pt; font-size: 12pt;">雖然馮檢基支持劉小麗參加補選，但自己卻於昨日報名參選，並表明若提名期完結前，劉小麗的提名資格一旦獲確認，他會退選；但若政府在提名期後才確認劉小麗提名有效，他將會呼籲選民不投票給他，但劉慧卿認為，此舉或會分薄票源：「佢（馮檢基）話到時退，唔會去競選，但佢個名就會喺張票嗰度，而我哋以前都睇到，就算（咁樣）退選嗰啲人，都會攞到票。所以大家覺得好奇怪，點解馮檢基會變成咁？」</span></p><p style="margin: 0pt 0pt 9pt; padding: 0pt;"><span style="font-family: Arial; letter-spacing: 0pt; font-size: 12pt;">對於民主黨區議員袁海文指劉慧卿早在6月已預計馮檢基「一定參選」，劉慧卿指，這是因馮檢基在她節目上多次迴避參選意向，足以反映馮檢基不排除會參選：「你想選咪選囉，但你猛咁話未決家，但其實個心已經係好想選，咁畀明眼人望落去，都知佢想選啦！」</span></p><p><span style="font-family: Arial; letter-spacing: 0pt; font-size: 12pt;">劉慧卿稱，一直尊重選民的獨立思考及決定，但提醒選民要運用智慧：「假如選民覺得，可能有啲人出嚟搞事，我哋唔畀佢得逞，咁選民咪要運用佢自己的智慧囉！」</span></p>