曾撐港獨者仍能從政林鄭：做公僕可洗底 – 纵览中国-China In Perspective

表明不支持港獨的劉小麗遭港府再次DQ，外界批此舉如同終身剝奪政治權利，而政府從未交代如何可令選舉主任信服參選人改變政治立場。林鄭月娥昨於電視訪問中，突然提出即使年輕時曾支持港獨，只要加入政府工就可「洗底」再從政，「佢讀完大學，跟住加入政府，做一段時間又出去從政，咁證據已講得好清楚。」民主派質疑說法是「貓哭老鼠」，又批評說法反映政府只接納單一聲音。日前曾稱鼓吹自決不能期望成為議員的特首林鄭月娥，昨日接受無綫《講清講楚》訪問時，再撐選舉主任的裁決是視乎「證據」，對於外界認為「自決」不等於支持港獨，只是生活上的自決，她反指有人演繹自決二字為自我決定，選舉主任不會信納，「我諗你同我每日都自我決定着咩衫、食咩嘢，所以一定要睇環境，咩情形下，用呢兩個字或講咗這個立場，然後令我哋嘅選舉主任冇辦法可以信納，佢其實唔係講緊呢件事。」<h2>范國威轟偽善</h2>主持追問若有年輕人曾經支持港獨，長大後改變立場，如何可以再從政，林鄭再提視乎證據，直指「如果做咗啲咁嘅嘢（支持港獨），大學畢業之後加入政府，咁證據就好明顯啦！」主持再問是否要加入建制才可再從政，林鄭卻急急澄清「我冇咁講過」。林鄭入政府「洗底」論引來民主派炮轟。議會陣線立法會議員范國威批評林鄭親自操盤打壓、DQ，以及囚禁參與社會運動年輕人，質疑對方以招攬入政府手法，向年輕人施以「懷柔」手段，直斥是「貓哭老鼠」，「只顯得佢偽善」。公民黨區議員余德寶亦批評，林鄭大推青年政策，但另一方面又不斷DQ年輕人，「令年輕人好卻步，原來你只係容許一啲建制派人士參政」。他又指林鄭的說法，要求年輕人以加入政府證明自身立場「好荒謬」，「當所有人入政府，邊個做監察？出嚟只係單一種聲音」。另外，香港大學法律學院首席講師張達明在facebook發文，質疑選舉主任未有讓劉小麗作出合理解釋，並在宣佈劉小麗參選資格無效的通知書中，選擇性地引用陳浩天案的判詞，「卻刻意地對判詞中有關程序公義的法律規定隻字不提」，直斥做法是「公然有法不依，讓政治凌駕法律」。他要求港府交代兩大疑問，包括律政司是次給予選舉主任的法律意見，有否要求給予劉小麗合理機會回應質疑，以及選舉主任在作決定時，有否與任何中方官員或港府上級官員討論，或接到任何相關指示。