劉慧卿連結世界抗赤化「外國憂港變新疆」

民主黨另闢國際連結新路線，邀請前主席劉慧卿出山掌舵新設立的國際事務委員會。一直在國際平台為香港人權發聲的劉慧卿指，香港核心價值過去一年受衝擊，國際社會極擔心香港變新疆2.0，「擔心個個變晒做李波」，相信對外發放更多訊息向「要面」政權施壓，至少可「頂住」情況惡化。劉慧卿早在擔任立法會議員時已着力捍衞動人權，經常出席聯合國會議，即使卸任議員後，仍續任中國維權律師關注組及香港人權監察代表，反映中港人權狀況。劉接受《蘋果》訪問時笑言自己與國際的連繫幾十年不變，而香港現時「又真係好大鑊」，連串DQ、馬凱事件、大學大陸化，以至前特首梁振英的UGL案亦受國際注目，「今鋪我估（國際評級法治指標）跌到落谷底」。<h2>嘆「自決」在港沒市場</h2>劉堅信國際連結，或與她經歷香港被英國拋棄的年代有關，傳媒出身的她35年前在中英聯合聲明記者會上質詢時任英國首相戴卓爾夫人：「你簽咗協議，將500萬香港人交畀共產政權，道義上講唔講得通呢？」。劉至今不忿當年港人冇say，「香港人冇得參與（前途談判），冇得畀我哋投票（建立民選政府）」，惟她慨嘆「自決」一直在港沒市場，「市民大部份畀我嘅印象係接受香港係中國土地，自己係中國人」，認為香港要有say，抵住赤化，就要在大國狹縫間建立能量，「國際層面係應該表達自己睇法」。 她承認向外國反映不代表對方必然出手相助，但相信香港作為國際城市，小城人權也是外國在港的保障，「佢梗係擔心香港冇自由，冇自由冇法治就冇人身安全」，國際社會對香港事態亦高度關注，「擔心我哋個個俾人拉晒，搞事嗰啲咪俾人拉囉，個個變晒做李波，大陸走嚟夾你走，或者特區政府走嚟拉咗你，又唔審就掟入監獄。 劉認為國際連結是有可為，即使中央不易就範，但確實有被拘禁的內地維權人士反映，囚禁期間突然待遇變好，「後來先發現有人喺出面遊行示威緊」，笑指自己高談闊論中共暴政也不會突然被挾走，是多年來透過發聲守住香港的成果。劉常以與虎同眠形容「一國兩制」，她相信國際連結與香港社會關注相輔相成，「最終點樣幫我哋頂到啲壓力呢？係香港人」，因為中央真正的心魔是人民。