<p style="margin-top:10.5000pt;margin-right:0.0000pt;margin-bottom:1.0500pt;margin-left:0.0000pt;layout-grid-mode:char;text-autospace:ideograph-numeric;"><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">民主黨3月19日舉辦黨慶，上年黨慶因為邀請特首林鄭月娥，林太即席捐出3萬蚊一事引起爭議。據Emily了解，民主黨今年黨慶，無論酒會、晚宴，都唔會邀請林太同律政司長鄭若驊，意味捐款一幕唔會再現，其他問責官員則會邀請。</span></p><p><span style="font-family:Arial;color:#000000;letter-spacing:0.0000pt;text-transform:none;font-style:normal;font-size:12.0000pt;background:#ffffff;">有中委透露，會上大家一致認為，全盤考慮現時政治形勢，所以作出呢個決定。舊年就因為林太初上任，以往政府決定難以完全入佢數，認為可以畀機會同空間佢，所以伸出「友誼之手」；但黨友考慮到林太上任後有好多變化，例如任內繼續DQ議員、律政司冇起訴前特首梁振英等，加上林太噚日喺特首答問會上繼續為鄭若驊護航，令黨內有強烈意見，唔願意邀請兩人出席黨慶。另外有中委表示，今年係選舉年，咁嘅政治形勢下好難同林太走得近。據Emily所知，民主黨內部對於請唔請官員一向都有爭議，認為應該請嘅，主要顧慮到商界諗法，如果顯示到該黨同政府都算有得傾，籌款時都會比較容易；認為唔應該請嘅，就係顧慮近期政治形勢，尤其係《國歌法》同鄭若驊等事件。</span></p>