港府今次修訂《逃犯條例》，令大陸可名正言順引渡港人到內地受審，不少新聞工作者擔心中共會利用來對付香港記者及傳媒。壹傳媒集團創辦人黎智英昨日也有上街，直言今次修例「慘過23條（立法）」，一旦通過香港將連僅有新聞自由也會消失。<br /><br /><div>杜耀明：唔返大陸都可能中招</div><div> </div>壹傳媒集團創辦人黎智英昨日有參加民陣反修訂《逃犯條例》遊行，被問到上街原因時，黎說：「呢單嘢好緊要㗎大佬，呢單嘢過咗，我哋冇得做㗎！傳媒冇得做㗎！你話報道大陸新聞，佢（大陸政府）話你揭露國家機密；你批評佢，佢又話你顛覆國家安全，咁就冇㗎嘞，新聞自由����家少少都冇埋㗎喇」，呼籲香港人一定要盡量反對今次修例，「過咗死㗎呢單嘢，慘過23條啊！」<br /><br />同樣參加遊行的浸大新聞系前助理教授杜耀明表示，今次修例將嚴重打擊香港傳媒報道及評論新聞的自由，擔心不少新聞工作者都會不自覺地隨時跌入陷阱，「因為唔係由一個客觀嘅法律決定，而係由北京政府隨佢政治需要決定」。杜又指在修例後不單記者有危險，連一般市民也有機會隨時誤墮法網，「連（香港）言論自由都會收縮，甚至乎連每個人行動自由，都會受限制；你唔返大陸，都可能中招，要喺陰影下生活」。<br />