反對修訂《逃犯條例》遊行的參與人數超出預期，政府希望「開快車」修例，但商界取態可能左右大局，究竟商界對現時剔除九項經濟罪行是否收貨？自由黨榮譽主席田北俊接受本報訪問時表示，該黨議員仍在聽取業界意見，稍後才決定取態，「現時爭取到剔除大部份商界擔心嘅罪行，商界已經讚賞我哋，唔似一啲建制派商界代表一直『懵懵地』唔知影響有幾大」。<br /><br />不過，田北俊直言商界現時是否收貨言之尚早，指《逃犯條例》其中第15項與賄賂有關的罪行，最終未被剔除，正正是商界關注所在。<br /><br /><div>「商界北上遭勒索非行賄」</div><div> </div>田北俊說：「市民可能覺得，賄賂喎，梗係唔好，點可能剔除，但返大陸做生意嘅商界，當年唔係主動想行賄，係被『勒索』；內地法例只要證明提供利益一方有好處就可以入罪，邊有人冇利益會畀錢？可能畀咗錢攞酒牌開餐廳，又或者攞廠牌開工廠，咁就已經有好處」。他稱如果設追溯期，商界自然擔心會否在多年後，自己被追究當年「罪行」。<br /><br />對於基本法委員會副主任譚惠珠昨早表示，不認同修訂條例較《基本法》23條「更惡」，田少不認同：「23條可能較影響普通市民，商界當然唔會分裂國家，但最重要係23條嘅控罪由香港法庭審，所以大家會有信心，最多打到去終審庭。」他強調，現時修例香港法庭根本不如林鄭等人所聲稱可以把關，「被告否認都冇用，香港法庭幫唔到忙，只能叫你去內地同內地法庭講」。他直斥譚惠珠稱香港法庭可把關的說法是「混淆市民」，「佢係明知呀，本身係律師，所以佢係知道嘅！」<br /><br /><div>經民聯稱原則上支持修例</div><div> </div>田北俊分析稱就算條例通過，商界最終亦不用過慮，因保安局長李家超明言，只會由高層次部委向香港提出移交逃犯要求，「如果當年喺地方行賄過一個低級官員，唔通����家要由中央出手？」但他同時關注，例如美國等地犯人會在「州與州」、「城市與城市」之間被移交，但香港卻要由中央提出，是城市跟內地關係，或可能帶來漏洞。<br /><br />對於外界批評剔除部份罪行有違法治精神及偏幫商界，田北俊指跟不同國家簽訂移交協議，一樣有對罪行作刪減，形容做法是「慣例」，現時剔除的罪行，市民一樣多了保障，「所以冇大細超」。他強調，自由黨現時未表態，除希望繼續聽取商界意見，也希望未來三個月審議條例時，針對條例向政府提問，「甚至我哋可以幫手，向北京爭取更多保障；好似（民建聯立法會議員）周浩鼎話����家已經少咗好多憂慮，但其實唔需要『䦡飯應』，可以爭取更多，好似移交門檻由一年刑期加到三年，以及由部委先可以提出，本來都冇諗過會成功」。<br /><br />在立法會手握八票的經民聯，主席盧偉國表示，「原則上支持」修例，現時未肯明確表態，但直言剔除九項經濟罪行後，「最主要嘅灰色地帶、之前疑慮已消除」。<br />